१६ वैशाख,जनकपुरधाम : जनकपुरधाम स्थित प्रादेशिक अस्पतालको ल्याबमा कोरोना परीक्षण गराउँदा रिपोर्ट नेगेटिभ आएपछि सर्लाहीको क्वारेन्टाइनमा रहेका १४ वर्षीय किशोर घर फर्किएका थिए । त्यसको केहीदिनमै टेकु स्थित राष्ट्रिय प्रयोगशालामा गरिएको परीक्षणमा त्यही किशोरको रिपोर्ट पोजेटिभ आयो । रौतहटका दुई जना पुरुषको पनि जनकपुर अस्पतालको ल्याबमा परीक्षण गर्दा रिपोर्ट नेगेटिभ आएको थियो । क्वारेन्टाइनमा बसेका उनीहरु पनि घर फर्किएका थिए , तर त्त्यसको १० दिनपछि टेकुमा गरिएको परिक्षण को रिपोर्टमा दुबै लाई (कोभिड–19) संक्रमण को पुष्टि गरिएको छ । यसरि नेगेटिभ देखिएका मध्ये तीन जनाको टेकुमा पुनः परीक्षण गर्दा पोजेटिभ आएपछि जनकपुरधाममा पीसीआर मेसिनबाट परीक्षण नै बन्द गरिएको छ । प्रदेश २ को सामाजिक विकास मन्त्रालयका सचिव रामप्रसाद घिमिरेले यता संकलन गरिएका थ्रोट स्वाबको नमुनाहरु परीक्षणका लागि टेकु नै पठाइने र अर्काे नयाँ मेसिन नआए सम्म तत्कालका लागि नयाँ परीक्षण प्रादेशिक अस्पतालमा नहुने बताएका छन् ।
सचिव घिमिरे का अनुसार स्वाब संकलन गरी परीक्षणका लागि काठमाडौं पठाउन अति समस्या हुने भएकाले प्रदेश सरकारले यो मेसिन फिर्ता गरेर आफैं अर्काे मेसिन किन्न लागेको हो । जनकपुरधाममा २१ चैतदेखि पि सि आर मेसिन जडान भएर थ्रोट स्वाब परीक्षण शुरु गरेको मा अहिलेसम्म १०२ वटा स्वाब परीक्षण भएको छ भने प्रादेशिक स्वास्थ्य निर्देशनालयका जानकारी अनुसार सबैको रिपोर्ट नेगेटिभ आएको छ।
आफ्नो प्रतिकृया दिनुहोस्