१४ जेष्ठ , जनकपुरधाम, (रवि कुमार) : जनकपुरधाम उप–महानगरपालिकाले कोरोना भाईरस संक्रमण जाँच गर्ने मेसिन आफै खरिद गर्ने भएको छ।
विपद् व्यवस्थापन समितिको बैठक ले कोरोन संक्रमण रोकथाम तथा नियन्त्रण को लागि पी सी आर मेसिन खरिद गरि जाँच को प्रक्रिया मा तेजी ल्याउन यस्तो पहल गरेको हो।
उप–महानगरपालिका का मेयर समेत रहनु भएका उक्त समिति का अध्यक्ष लाल किशोर साह ले बताए अनुसार वुधवार बसेको वैठकले आधुनिक पीसिआर मेसिन खरिद, सवै कर्मचारीलाई १०/१० लाखको बिमा, देश बाहिर बाट आएकाहरुका लाई १४ देखि २१ दिन सम्म क्वॉरन्टीनमा स्वास्थ्य मन्त्रालयको मापदण्ड अनुसार राख्ने, आवश्यक अनुसार थप क्वॉरन्टीन सेन्टर बनाउने, विद्यालय खोल्नु अगाडी सम्पूर्ण विद्यालयलाई सेनिटाइज गरि मास्क उपलव्ध गराउने तथा कर्मचारीहरुलाई अतिरिक्त जोखिम भत्ता दिने समेत निर्णय गरिएको छ ।
उप–महानगरपालिकाले वडा नं. ४ स्थित गोपाल धर्मशालामा ७५ शैया को क्वॉरन्टीन सेन्टर सञ्चालन गर्दै आई रहेको छ । अहिले सो सेन्टर मा १० महिला ६५ पुरुष गरि जम्मा ७५ जना लाई उचित हेरचाहमा राखिएको छ। सो पुरुष मध्ये २ जना दुई दुई वर्ष का बालकहरु छन्।
सोमबार मात्रै गोपाल धर्मशाला को क्वॉरन्टीन सेन्टर मा खटिएका ७ जना कर्मचारी सहित त्यसमा रहेका ७५ जना को स्वाब नमुना संकलन भै सकेको छ। परिक्षण मा निगेटिभ रिपोर्ट भएका व्यक्तिहरुलाई क्वॉरन्टीन सेन्टर को माप दण्ड पुरा गराई घर जान दीइने छ।
भारत बाट दैनिक रुप मा हजारौ नेपाली नागरिक हरु भित्रिदै छ। खास गरि जटहि नाका बाट धनुषा महोत्तरी का नागरिक हरु हजारौ को संख्या मा प्रवेश गरेका छन्। त्यो मध्ये आज मात्रै धनुषाको शहीद नगरपालिका ९ निवासी विरेन्द्र गुरमैता यादवको जटही नाकामा मृत्यु भएको छ।
आफ्नो प्रतिकृया दिनुहोस्