१९ जेठ,जनकपुरधाम : जनकपुरधाम उप–महानगरपालिकाले प्रबिधि मैत्री शिक्षाका लागि इ–लाईब्रेरी को शुरुवात गरेको छ । सरकार ले कोरोना नियन्त्रण को लागि समय समय मा लॉकडाउन को अवधि बढाई रहेको अवस्था मा विद्यालय जानवाट वञ्चित भएका बालबालिका हरु को लागि डिजिटल प्रबिधिबाट पठनपाठन शुरु गर्न पहिलो पटक जनकपुरधाम उप–महानगरपालिकाले www.gyankup.edu.np नाउ बाट (विद्युतीय पुस्तकालय) वेबसाइट संचालन मा ल्याएको छ।
इ–लाइब्रेरी को स्थापनाबाट विद्यालयमा प्रविधियुक्त सिकाइ आदान प्रदानमा सहजता थपिएको भन्दै डिजिटल माध्यमबाट पठनपाठन हुने भएपछि बिद्यार्थीरुको सिकाई उपलब्धी र शिक्षकहरुको ब्यवहारमा समेत परिवर्तन आउने उप–महानगरपालिका का मेयर लाल किशोर साह ले बताएका छन्। साथै ई-पुस्तकालयको मुख्य उद्देश्य विद्यार्थीहरूमा पढ्ने संस्कृतिको विकास गरी स्वअध्ययन, स्वतन्त्र चिन्तन र स्वतन्त्र अन्वेषणको परिपाटीलाई प्रोत्साहित गर्नु रहेको मेयर साह ले प्रस्ट पारेका छन्।
इन्टरनेटको माध्यम ले कक्षा १ देखि कक्षा १० सम्म का बिधार्थिहरु को लागि इ–लाइब्रेरीको सर्भरबाट विद्यार्थीहरूले तत्काल अहिले २०० भन्दा बढी पुस्तकहरू पढ्न पाउने बताइएको छ । अफलाइन सिस्टमबाट चल्ने उक्त लाइब्रेरीमा मोबाइलबाट समेत पुस्तकहरू पढ्न सकिने व्यवस्था छ ।
के हो ई-पुस्तकालय ?
ई-पुस्तकालय शिक्षा केन्द्रित पुस्तकालय हो। यसमा दस्तावेज, किताब, पत्रपत्रिका, अडियो, भिडियो लगायत साझा शिक्षा ई-पाटीद्वारा निर्मित राष्ट्रिय पाठ्यक्रममा आधारित अन्तर्क्रियात्मक ई-पाठ क्रियाकलाप समेत समावेस गरिएका छन्। प्रयोगकर्ताहरूले ई-पुस्तकालयमा रहेका सामग्रीहरूलाई आन्तरिक-नेट (intra-net) अथवा ईन्टरनेटको माध्यमबाट खोलेर अध्ययन गर्न, भिडियो हेर्न र अडियो पुस्तकहरू सुन्न सक्दछन्।
हाल ई-पुस्तकालयमा नेपाली र अङ्ग्रेजी भाषाका संग्रहहरु का साथै नेपालभित्र बोलिने अन्य राष्ट्रिय भाषाका सामग्रीहरू समेत राखिएका छन्।सामान्य भौतिक पुस्तकालयमा जस्तै देखिने ई-पुस्तकालयका विभिन्न कक्षहरूमा प्रवेश गरेर प्रयोगकर्ताले आफ्नो रूची अनुसारका सामग्रीहरूमा पहुँच राख्न सक्दछन्।
ब्राउजिङ, सर्चिङ, र लिङ्किङ जस्ता सुविधाहरू भएको ई-पुस्तकालयमा प्रयोगकर्ताले आफूलाई चाहिएको सामग्रीको शिर्षक, लेखक वा सम्बन्धित शब्दावली अनुसार खोज गर्न सकिने हुँदा अन्वेषणकर्ताहरूका लागि समेत उपयोगी छ।
आफ्नो प्रतिकृया दिनुहोस्