रवि मण्डल,जनकपुर,जेष्ठ २१ : भारतमा बस्दै आएका नेपालीहरु घर फर्किदा धनुषा जिल्लाको कुनै पनि प्रवेश नाका खुल्ला नहुने भएको छ। भारतको नयाँ दिल्लीस्थित नेपाली दुतावासले भारतमा रहेका नेपाली कामदार नेपाल फर्किदा आवतजावतका लागि खुल्ला रहने कुल २० नाकामध्ये धनुषाको कुनै पनि नाका परेको छैन।
भारतबाट स्थलमार्ग हुँदै स्वदेश फर्किन चाहने नेपाली नागरिकहरुका लागि नेपाल-भारत सीमाका २० वटा प्रवेश विन्दुहरू: पशुपतिनगर (इलाम), काकड्भिटा (झापा), रानी (मोरंग), कुनौली (सप्तरी), ठाडी (सिरहा, माडर (सिरहा), भिट्टामोड (महोत्तरी), मलंगवा (सर्लाही), गौर (रौतहट), बिरगंज (पर्सा), महेशपुर (नवलपरासी पश्चिम ), बेलहिया (रुपन्देही), तौलिहवा (कपिलवस्तु), कृष्णनगर (कपिलवस्तु), जमुनाह (बाँके), सुरजपुर (बर्दिया), गुलरिया (बर्दिया), गौरीफन्टा (कैलाली), गड्डाचौकी (कंचनपुर), झुलाघाट (बैतडी) र दार्चुला (दार्चुला) तोकिएको दुतावासले जनाएको छ।
नेपाल सरकार मन्त्रिपरिषद्को मिति २०७७ जेठ १२ गतेको निर्णय अनुसार जारी भएको नेपाली नागरिकलाई स्वदेश आउन सहजीकरण गर्ने सम्बन्धी आदेश, २०७७ स्वीकृत भएपछी हजारौको संख्यामा भारतका विभिन्न सहरमा रहेका नेपालीहरु स्वदेश फर्किन सम्भव भएको हो। यसअघी, हजारौको संख्यामा नेपालीहरु भारतमा र सिमाबर्ती क्षेत्रमा अलपत्र परेका थिए। यसरि अलपत्र परेका नेपालीहरु खान र उचित व्यबस्थापनको अभावमा कस्टकर जीवनयापन गर्न बाध्य थिए।
गएको हप्ता मात्रै, भारतको गुजरातबाट हिडेरै घर फर्किदै गरेका धनुषा जिल्ला निवासी कामदारको धनुषाको नेपाल-भारत सीमाका प्रवेश विन्दु जटहिमा मृत्यु भएको थियो। सीमा नाकाबाट नेपाल प्रवेश गरेपश्चात प्रबेश बिन्दु नजिकेको होल्डिङ सेन्टरमा आवश्यक प्रक्रिया पूरा गरिसकेपछि निश्चित समयसम्म क्वारेन्टाइनमा बस्नुपर्ने हुन्छ।
(हेर्नुस कुनकुन प्रवेश बिन्दुबाट नेपाल फर्किन पाइन्छ: सुची सहित )
दुतावासले आपतकालीन समस्या परेमा दूतावासको आपतकालीन नम्वर ८९२९६०१९२५ मा सम्पर्क गर्नुहुन अनुरोध छ साथै अन्य विषयमा हरेक दिन (विदाको दिनमा समेत) बिहान ९ वजे देखी ५ बजे सम्म चालु रहने नम्बरहरु ०११२३४७६२००/२३३२७३६१मा सम्पर्क गर्न सकिने बताएको छ।
आफ्नो प्रतिकृया दिनुहोस्