१७माघ,काठमाडौँ: सरकारले सार्वजनिक–निजी साझेदारी अवधारणा अन्तर्गत तल्लो अरुण जलविद्युत् परियोजना भारतको सतलज विद्युत निगम लिमिटेड लाई (एसजेभीएन) दिने निर्णय गरेको छ । प्रधानमन्त्री निवास बालुवाटारमा प्रधानमन्त्री केपी शर्मा ओली को अध्यक्षतामा बसेको लगानी बोर्डको ४६ औँ बैठकले अन्तर्राष्ट्रिय प्रतिस्पर्धाका आधारमा ६७९ मेगावाट क्षमताको तल्लो अरुण जलविद्युत् परियोजना निर्माण गर्न भारतीय कम्पनीलाई छनोट गरेको हो ।
कुल क्षमता ६७९ मेगावाट रहेको सो परियोजना प्रदेश नं १ को सङ्खुवासभा र भोजपुर जिल्लामा अवस्थित रहने छ ।यो आयोजना लागतमा हिसावले ठूलो हो । अत्यधिक विद्युतको माग हुने सुक्खा मौसममा पनि दैनिक ६ घण्टासम्म पानी जम्मा गरेर विद्युत् उत्पादन गर्नसक्ने अर्धजलाशय युक्त यो परियोजना हो । तल्लो अरुण बनाउन एक खर्ब रुपैयाँभन्दा बढी लाग्ने अनुमान छ ।
यस सतलज विद्युत निगम कम्पनीमा(एसजेभीएन) भारत केन्द्र सरकार र भारतको हिमाञ्चल प्रदेश सरकारको संयुक्त लगानी रहेको छ। तथा कम्पनीमाले अरुण तेस्रो जलविद्युत आयोजना निर्माणका लागि ‘एसजेभीएन नेपाल’ नेपाल नामक कम्पनी दर्ता गरेर काम गर्दैछ ।
आफ्नो प्रतिकृया दिनुहोस्