१५ महोत्तरी (आशिष कुमार मंडल):महोत्तरी स्थित पिपरा गाउँपालिका वार्ड नं ५ को सहोडवा बाट रहस्यपूर्ण ढंगले गायब पारिएका वृद्ध दम्पति मुसाफिर झा तथा उनका पत्नी गीतादेवी को खोज तलाश को प्रक्रिया दिन प्रतिदिन जटिल बन्दै गएको बेला प्रदेश २ का डी.आई.जी.पी. धिरज प्रताप सिंह आफैले आज बिहान घटना स्थलमा पुगेर अनुसन्धान बारे आवश्यक जानकारी लिएका छन्।घटना स्थलमा उनलाई महोत्तरी जिल्ला प्रहरी कार्यालयका प्रहरी उपरीक्षक टीकाबाहदुर के. सी. ले घटना बारे ब्रिफिंग गरेका थिए।
आई.जी.पी.सिंहले गायब रहेका मुसफिर झाको छोरा ,बुहारी लगायत अन्य परिवारजन हरु संग साधरण सोधपुछ समेत गरेका थिए।सोहि क्रममा प्रदेश २ का प्रहरी प्रमुख सिंहले महोत्तरीका एस.पी. टीकाबाहदुर के.सी.तथा तथा सक्रिय रहेका खुफिया विभागका खोज टोलिहरु लाई पिपरा प्रहरी चौकीमा एक मिटिंग बीच विशेष निर्देशन दिएको बुझिएको छ।निर्देशन पश्चात वृद्ध श्रीमान श्रीमतीलाई मारेर पोखरीमा फालेको आशंकामा प्रहरीका एक दलले सहोडवाको पोखरीहरुमा जाल फालेर खोज तलाश समेत गरेका थिए।
घटनामा संलग्न रहेको शंकामा महोत्तरी प्रहरीले स्थानीय सहोडवाका केहि व्यक्तिहरु लाई जिल्ला प्रहरी कार्यालय महोत्तरीमा झिकाई गहन सोधपुछ गरि रहेका छन्। शंकामा शमिल व्यक्तिहरुको ब्लड सैम्पलको नमुना जांच भएर अहिले सम्म नआएको हुँदा जांच बुझमा १,२ दिनको मात्र देरी लाग्ने सक्ने भएकोले अब अपराधी लाई चाडै पता लगाई छाड्ने प्रतिबध्ता डी.आई.जी.पी. सिंहले जनाएका छन्।
तर यस रहस्यपूर्ण काण्ड लाई गम्भीरता पुर्वक जांच गरिरहेका महोत्तरीका तत्कालिन एस.पी. टीका बहादुर केसीको अचानक सरुवा भएको छ। उनको सरुवा गृह मन्त्रालयको नियमित प्रक्रिया मात्र रहेको र यस लाई अन्य कुनै विशेष शंकाको दृष्टिमा नहेर्न अन्य सरोकारवालाहरु संग डी.आई.जी.पी. सिंहले आग्रह गरेका छन्।
एक विवादित जग्गा मुद्दामा गवाही व्यक्ति रहेका पिपरा गाउँपालिका वार्ड नं.५ सहोडवा निवासी मुसफिर झा लाई पत्नी सहित फाल्गुन १० गते राति देखि नै रहस्यपूर्ण ढंगले आफ्नै घरबाट गायब पारिएको छ।
आफ्नो प्रतिकृया दिनुहोस्