१३ चैत्र,जनकपुरधाम : नेपाल नगरपालिका कर्मचारी एशोशिएसन् ईकाइ समिति जनकपुरधाम उप- महा नगरपालिका लाई नगर प्रमुख लाल किशोर साहले जनक भवन अन्तर्गत पाचवां खण्ड को याज्ञवल्क्य सदनमा रहेको कोठा हस्तान्तरण गरेका छन्। कोठाको अभावमा जनकपुरधाम उप- महानगरपालिका कर्मचारी युनियन कार्यसमितिको बैठक प्रभावित रहने गरेको हुदाँ कर्मचारी युनियनका अध्यक्ष शरद लाभको विशेष अनुरोधमा प्रमुख साहले सो कार्य समितिलाई कोठा उपलब्ध गराएका छन्।
कार्य समितिको कार्यकक्षलाई उद्घाटनको क्रममा नगर प्रमुख साहले करिब ३० मिनट सम्मको लामो सम्बोधनमा कर्मचारीहरुको भूमिकालाई लिएर प्रशंशा गर्दै विशेष गरि सफाई कर्मीहरुको इमान्दारी पुर्वक कामकाज तथा कर्तव्य लाई सम्झिदै पटक पटक भावुक बनेको देखिएका थिए। कर्मचारीहरुको मेहनत तथा लगनशिल्ता कै कारण नगर क्षेत्रका सम्पूर्ण कार्य समापनमा कुनै अति विशेष बाधा नआएको प्रमुख साहले भने ।
जन प्रतिनिधि त् अस्थाई हुन्छन उनिहरुको कार्यकाल सिमित अवधि भर मात्र हुन्छ। तर कर्मचारी भने उनिहरु को सेवा अवधि लामो रहन्छ त्यसकै अनुभव तथा कार्यशैलीले जन प्रतिनिधिहरु को कामकाजको प्रचार प्रशार हुने गरेको नगर प्रमुख साहले जिकिर गरे। जनकपुरधाम उप -महानगरपालिका कर्मचारी एशोशिएसन् ईकाइ का अध्यक्ष शरद लाभले नगर प्रमुख साह प्रति आभार जनाउदै आफु कुनै पनि परिस्थितिमा कर्मचारीहरुको हकहित को लागि हर एक त्याग दिन आफु तयार रहेको बताए।
सो अवसरमा नगर प्रमुख साहले कर्मचारी एशोशिएसन् को कुनै पनि कार्यक्रम गर्न को लागि अरुको भर नपरोस र कर्मचारी एशोशिएसन् लाई आफ्नै एक छुटै कोष बनाउन अपिल गर्दै तत्काल रु . एक हजार को सहयोग दिएर कर्मचारी हरु को हौसला बढाएका छन्।
आफ्नो प्रतिकृया दिनुहोस्