१ असार,जनकपुरधाम (धर्मराज):अविरल वर्षाका कारण वडा नं. २ को जनकपुरधाम उप-महानगरपालिका कार्यालय आसपास क्षेत्रका केही घरहरू डुबानमा परेको छ । वर्षाका कारण पानी जाने निकास नहुँदा त्यस क्षेत्र डुबानमा परेको हो। यहाँका केही घरमा पानी पसेपछि त्यहाँका मानिसको विचल्ली बनेको छ , घर डुबानमा परी जलमग्न भई तलाउमा परिणत भएका छन्। स्थानीयहरुले बस्तीलाइ डुबानबाट जोगाउनको लागी राम्रो उपाए भनेको पानीको निकासामा राम्रो व्यवस्थापन हुनुपर्ने जनाएका छन् ।
यो समस्या धेरै दिन देखि यथावत रहेको छ । तर जिम्मेदार निकाय पूर्ण रुपले आँखा बन्द गरेको छ । वडावासीहरु कैयौ दिन यस समस्याको निदान लागि अधिकारी लगायत सम्बन्धित उच्च अधिकारी समेतको अगाडी हार गुहार लगाएता पनि आज सम्म कसैले यो गम्भीर समस्या हटाएन । अझ नालीहरुको सफाई नहुनु को कारण यो समस्या विकराल रूप लिदैं गईरहेको छ । स्थानीय वासीहरुले यस सम्बन्धमा वडा अध्यक्ष शिव कुमार साह संग भेटि यस समस्याको निदान गर्न मांग गरेका छन् ।
स्थानीय संजु देवीले घरभित्र पानी पसेर बस्न समस्या भएपछि छिमेकीको घरमा राति बास बसेको भनी उहाँले सुनाउनुभयो । “सडक र नाली पूरै भरिएर घर डुबानमा परेको छ”, “घरभित्र दुई फिटजति पानी जम्मा भएर खाद्यान्न, लुगाकपडा भिजेका छन् भने उनलाई खाना पकाउन समस्या भएको छ ।” उनका छिमेकी कैलाश महतोले बताए । रोड निर्माण संगै पानीको उचित निकासको व्यस्थापन हुन नसकेका कारण पनि थप समस्या निम्तिएको यहाँका अगुवाको भनाइ रहेको छ ।
उपमहानगर भित्र भएका प्राकृतिक नदि नाला अतिक्रमण भएपछि डुबानको समस्या वर्षेनी दोहोरिने गरेको छ ।डुबानको अर्को मुख्य कारण ‘जथाभावी रुपमा गरिएको प्लटिङ, भएको स्वाभाविक नालीहरु अतिक्रमण, सडक बनाउँदा नालीलाई प्राथमिकतामा नदिइनु, घर बनाउँदा पानी बग्ने नालीको भाग नछाडि जथाभावी रुपमा बनाउँदा समस्या बढ्दै गएको स्थानीय पाण्डव सिंह बताउँछन् । व्यवस्थित बनाइएको भनिए पनि पानी निकास हुने ठाँउ नभएपछि त्यस क्षेत्र का घर हरु डुबानमा पर्दै आएको छ ।
थुप्रै भित्री सडकहरुमा पानी बग्ने र डुबान हुने समस्या छ । कतिपय ठाउँमा नाला छ, देखाउनका लागि मात्रै ।सडक निर्माण गर्दा पानी निकास हुन नसकी डुबान हुने गरेको हो । जनकपुर क्षेत्रमा विशेषगरी ठुला नाला र सुकुटी नाला सबैभन्दा बढी अतिक्रमणमा परेका छन्। कतिपय ठाउँमा नहर पुरेर सडक बनाइएको छ भने कतिपय ठाउँमा पार्टी प्यालेस, निजी तथा सार्वजनिक भवन समेत बनाइ सकेको पाइएको छ ।
आफ्नो प्रतिकृया दिनुहोस्