१३ असार,जनकपुरधाम :सशस्त्र प्रहरीको टोलीले आज धनुषाको बिदेह नगरपालिका–१ महिनाथपुरबाट हतियार सहित तीन भारतीय नागरिक लाई पक्राउ गरेको छ । सशस्त्र बेश क्याम्प महिनाथपुर बाट खटिएको टोलीले हतियार सहित भारतको बिहारको मुजफ्फरपुर ७ साहेबगंज निवासी २९ वर्षीय राहुल रंजन , २० वर्षीय उज्ज्वल कुमार र २६ वर्षीय संजय कुमार लाई पक्राउ गरेको धनुषाका सशस्त्र प्रहरी उपरीक्षक प्रकाश कुमार सुवेदीले जानकारी दिनुभयो ।
जकपुरधाम बाट भारत तर्फ जाँदै गरेको तीनै सवार बिआर ०६ एपी ३००८ नम्बरको मारुती सुजुकी कारलाई भारतीय सीमा क्षेत्रमा रोकेर जाँच गर्दा सिटमुनीबाट मेड इन यु.एस.ए. लेखिएको ७.६५ राउन्ड एक थान लोड भएको पेस्तोल बरामद भएको प्रहरी उपरीक्षक सुवेदीले बताउनु भएको छ । पक्राउ परेका तीनैलाई आवश्यक कारबाहीका लागि इलाका प्रहरी कार्यालय खजुरीमा पठाइएको सशस्त्र प्रहरीले जनाएको छ ।(रासस)/ तस्विर : (ए.पी.एफ.)
आफ्नो प्रतिकृया दिनुहोस्