६ साउन,नयाँ दिल्ली :द्रौपदी मुर्मु भारतको १५ औँ राष्ट्रपतिमा निर्वाचित हुनु भएको छ । सत्तारुढ भारतीय जनता पार्टीको तर्फ बाट राष्ट्रपति पदको उम्मेदवार मुर्मुले विपक्षी दलका यसवन्त सिन्हालाई पराजित गर्दै विजयी हुनु भएको हो ।जुलाई २४ तारिखमा राष्ट्रपति राम नाथ कोविन्दको कार्यकाल सम्पन्न भएपछि विजयी मुर्मुले जुलाई २५ तारिखमा राष्ट्रपतिको पदभार सम्हाल्नु हुनेछ ।
उहाँ भारतको पहिलो आदिवासी महिला राष्ट्रपति बन्नु भएको हो । राज्य राजनीतिमा प्रवेश गर्नुअघि मुर्मुले विद्यालय शिक्षकको रूपमा काम सुरु गर्नुभएको थियो । श्री अरविन्दो इन्टिग्रल एजुकेशन एण्ड रिसर्च इन्स्टिच्युट, रायरंगमा सहायक प्राध्यापक र ओडिशा सरकारको सिँचाई विभागमा सहायकको रूपमा समेत उहाँले काम गर्नु भएको थियो ।
मुर्मु १९९७ मा भारतीय जनता पार्टी (बीजेपी) मा सामेल भएर रायरंगपुर नगर पञ्चायतको पार्षद निर्वाचित हुँदै सन् २००० मा अध्यक्ष हुनुभयो । उहाँले अल्पसंख्यक जनजातिहरुको मोर्चामा राष्ट्रिय उपाध्यक्षको रूपमा पनि काम गर्नुभयो ।
उनि उडिसा राज्यमा दुई पटक मन्त्रीको रुपमा जिम्मेवारी पाएकी थिइन्। उहाँले २०१५ देखि २०२१ सम्म झारखण्ड राज्यको नवौं राज्यप्रमुख (गभर्नर)को रूपमा पनि काम गर्नु भएको छ । उहाँका हजुरबुवा र बुवा गाउँ पञ्चायतका अध्यक्ष समेत रहनु भएको थियो ।
आफ्नो प्रतिकृया दिनुहोस्