साउन १६,जनकपुरधाम:जनकपुरधाम उप-महानगरपालिका कार्यालयबाट प्रधानमन्त्री तथा मन्त्रिपरिषदको कार्यालय काठमाडौंमा सरुवा हुनुभएका प्रमुख प्रशासकीय अधिकृत प्रधुम्न प्रसाद उपाध्यायलाई विदाई तथा सम्मान गरिएको छ ।उनलाई कार्यालयमा रहेर पुर्याउनु भएको सेवाको उच्च कदर गर्दै जनकपुरधाम उप-महानगरपालिकाका प्रमुख मनोज साह, उप-प्रमुख किशोरी साह तथा अन्य शाखा प्रमुख द्वारा विदाई तथा सम्मान गरिएको हाे।
विदाई तथा सम्मान कार्यक्रमलाई सम्बाेधन गर्दै प्रमुख साहले यस पवित्र भुमि जनकपुरधामको विकास निर्माण कार्यमा अनवरत सेवामा खटिनु भएका प्रमुख प्रशासकीय अधिकृत प्रधुम्न प्रसाद उपाध्यायको काम गर्ने शैलीको प्रशंसा गर्दै पालिकामा विकास तिव्र गतीमा बढीको बताएका थिए ।
कार्यक्रममा उप-प्रमुख किशोरी साह ,शिक्षा अधिकृत मिहिलाल यादव,वरिष्ठ इन्जिनियर बिरेन्द्र यादव ,लेखा अधिकृत नन्द कुमार झा,कर अधिकृत परमेश झा,जिन्शी शाखा अधिकृत गणेश यादव लगाएतले पालिकाको प्रशासनीक क्षेत्रमा मात्रै नभई विकासका अन्य क्षेत्रमा पनि अधिकृत उपाध्यायको योगदान अतुलनीय रहेको धारणा व्यक्त गरेका थिए ।
जनकपुरधाम उप-महानगरपालिका कर्मचारी इकाई एसोसिएसन परिवारको तर्फबाट अध्यक्ष शरद लाभले विदाई हुनु भएको प्रमुख प्रशासकीय अधिकृत प्रधुम्न प्रसाद उपाध्यायलाई उप-महानगरपालिकाको संस्थागत तथा नीतिगत सुधारको लागि कुशल प्रशासक/व्यवस्थापकको रुपमा सम्झिरहनेछ भन्दै हार्दिक शुभकामना तथा आभार प्रकट गरेका छन् ।
यस्तै प्रकाशक महासंघका अध्यक्ष शंकर साह तथा जनकपुरखबर मिडिया ग्रुप प्रा.लि.का संचालक रवि मंडलले निकै ईमान्दार,कर्मठ,मिहेनेती तथा धार्मिक स्वभावका प्रशासकिय अधिकृत प्रधुम्न प्रसाद उपाध्यायले आफ्नो कार्यकालमा मिडिया क्षेत्र र विकास निर्माणको साथ् साथ् विशेष गरि सर-सफाई क्षेत्रमा पूर्ण इमान्दारीपुर्वक काम गरेको प्रशंसा ब्यक्त गर्दै उहाँ लाइ नयाँ कार्यालयको बसाई उपलब्धीमूलक होस र भावी जीवन अझ सुखमय र उपलब्धीले भरियोस भनि शुभकामना व्यक्त गर्नुभएको छ ।
आफ्नो प्रतिकृया दिनुहोस्