३१ साउन,जनकपुरधाम :मधेश प्रदेश सरकारले (आइतबार)देखि संघीय सरकार विरुद्ध गरेको आन्दोलन आज स्थगन गरेको छ । प्रहरी समायोजनको अधिकार हस्तान्तण गर्नु पर्ने माग राख्दै मधेश सरकारले एक साता सम्म प्रदेश प्रमुखको कार्यालयमा धर्ना दिने घोषणा गरेको थियो। प्रधानमंत्री शेर बहादुर देउवाले मधेश प्रदेश सरकारको मांग बारे गम्भीर भएर उक्त कुरा लाई आफै संज्ञानमा लिनु भएको छ।
धर्ना स्थलमै प्रधान मंत्री देउवाले मधेश मुख्यमन्त्री लाल बाबु राउत संग संचार माध्यम बाट संवाद गरेका थिए। प्रहरी समायोजनको समस्या चुनाव पछि टुंग्याउने प्रधानमंत्री देउवाले मुख्यमन्त्री राउत लाई आश्वस्त पारेको श्रोतले बताएको छ।सो पछि धर्ना कार्यक्रम लाई स्थगन गरिएको थियो।
प्रतिनिधिसभा र प्रदेश सभा निर्वाचन अगावै प्रहरी समायोजन गर्न प्रदेश प्रमुख मार्फत् प्रधानमन्त्री शेरबहादुर देउवालाई दिइएको ध्यानाकर्षण-पत्र बारे नेपाल सरकारले कुनै चासो नदिएपछि पहिलो चरणको आन्दोलनयुक्त कार्यक्रम घोषणा अनुसार आइतवार देखि मुख्यमन्त्री राउत तथा प्रदेश सरकारका गृह तथा सञ्चारमन्त्री भरत शाह,भौतिक पूर्वाधार विकास मंत्री राम सरोज यादव ,खानेपानी तथा उर्जा विकाश मंत्री ओम प्रकाश शर्मा,अन्य मन्त्रीगण ,सांसद प्रमिला दास लगायतहरुले प्रदेश प्रमुखको कार्यालयमा दैनिक दुई घण्टा धर्ना दिन शुरु गरेका थिए। मधेश प्रदेश सरकारको अगुवाईमा सो धर्ना ३ दिन सम्म चलेको छ।
आफ्नो प्रतिकृया दिनुहोस्