१ भाद्र,जनकपुरधाम : सर्वसाधारणले जम्मा गरेको रकम ठगी गरेको आरोप लागेका पिपुल्स हेल्पफुल बचत तथा ऋण सहकारी संस्था लि . धनुषाका अध्यक्ष राजेन्द्र किरण केवट सहित ९ जना विरुद्ध मुद्दा दायर भएको छ ।अदालतमा दायर मुद्दामा सहकारीका अध्यक्ष अध्यक्ष राजेन्द्र किरण केवट, व्यवस्थापक राम चन्द्र मण्डल , कैशियर गोविन्द झा समेत लाई प्रतिवादी बनाइएको हो । पिपुल्स सहकारीका बचतकर्ताले बचत र त्यसको ब्याज नपाएपछि प्रहरी समक्ष उजुरी दिएका थिए ।
प्रहरी समक्ष ज्ञानि देवी हलुवाइ समेत ८८ जना ले उजुरी दिएका छन् । धनुषा प्रहरीले केवट लाई गत जेष्ठमा पक्राउ गरेर ठगी मुद्दामा अनुसन्धान गरेको थियो । पछि संगठित अपराधमा समेत थप अनुसन्धान गरेको हो । जिल्ला प्रहरी कार्यालय धनुषाको अनुसन्धान पछि जिल्ला सरकारी वकिलको कार्यालयले मंगलवार जिल्ला अदालत धनुषामा उनीहरू विरुद्ध १ करोड ३६ लाख ६५ हजार १४० रुपैयाँ बिगो सहित ठगी र संगठित अपराधमा मुद्दा दायर गरेको थियो।
जिल्ला अदालत धनुषा का श्रेस्तेदार विकाश बस्नेतका अनुसार मिति २०७९-०४-२९ मा दर्ता भएको ठगी र संगठित अपराध मुद्दामा इजलाश नं. ५ का जिल्ला न्यायाधीश भिष्मराज प्रसाईले सुनवाई गर्दै धनौजी गाउँ पालिका ५ बौहरवा हाल जनकपुर २ मा सहकारी संचालन गरेका राजेन्द्र प्रसाद किरण केवट लाई पुर्पक्षको लागि थुनामा राख्ने आदेश गरेको छ। सो आदेश अनुसार केवट लाई अहिले सिन्धुली कारागार पठाइएको धनुषा प्रहरी ले जनाएको छ ।
यस्मा आरोपित मैनेजर राम चन्द्र मण्डल तथा कैशियर गोविन्द झा सहित अन्य ८ जना अझै फरार रहेको र उनीहरुको खोज तलाश जारि रहेको छ । विषयगत कुरा अनुसार अध्यक्ष केवटले सहकारी बैंकमा आफ्नै सालो रामचन्द्र मण्डललाई मैनेजर बनाई राखेका थिए भने अरु विभिन्न पदहरुमा आफ्नै नातेदार लाई नियुक्त गरि उनीहरुको माध्यमद्वारा सहकारीका सदस्यहरु बाट भारि मात्रामा रकम जम्मा गराएका थिए।
आफ्नो प्रतिकृया दिनुहोस्