२२ फागुन,भंगहा(महोत्तरी): पन्ध्र दिने परिक्रमावासीहरू आज भंगहा नगरपालिका(महोत्तरी)स्थित कञ्चनवनमा पूजाअर्चना तथा धार्मिक अनुष्ठान गर्दै आफ्नो यात्रालाई विश्राम दिएका छन्।
जहाँ विभिन्न कार्यक्रमका बीच धुमधामका साथ अबिर खेल्दै होलीको उल्लास मनाइएको छ। धार्मिक परम्परा अनुरूप परिक्रमावासीहरूले पूजाअर्चना गर्दै एकआपसमा रंग-अबिर लगाएर होलीको शुभारम्भ गरेका छन्।
कार्यक्रममा सांस्कृतिक झाँकी, भजन-कीर्तन तथा नृत्य समेत प्रस्तुत गरिएको थियो। मिथिला क्षेत्र भरि आज देखि होलीको माहोल छाएको छ भने स्थानीय बासिन्दा तथा परिक्रमावासीहरू हर्षोल्लासका साथ रंगोत्सवमा सहभागी भएका छन्।
आफ्नो प्रतिकृया दिनुहोस्