३ चैत्र,काठमाडौं: चर्चित पत्रकार टिकाराम खड्का को शब्द तथा लोकप्रिय गायक शिव परियार को आवाजमा रहेको नयाँ गीत ‘मलाई जलाउँदा’ सार्वजनिक भएको छ। खड्काले आफ्नो युट्युब च्यानलमार्फत गीत रिलिज गर्दै संगीत र साहित्य क्षेत्रमा थप एक कदम अघि बढाएको बताएका छन्।
गीतमा कर्ण सञ्ज्यालको संगीत, हेमन्त कान्छा रसाईलीको सारंगी, भुवन गन्दर्भको तबला, रत्न विकको बासुरी, तथा केशब बडूको एरेन्ज रहेको छ, जसले गीतलाई संगीतात्मक रूपमा समृद्ध बनाएको छ। भिडियो सम्पादन दिवाकर चौधरी ले गरेका छन्।
न्यूज २४ टेलिभिजनका पत्रकार खड्का पत्रपत्रिकामा लेख लेख्दै समाजका विविध पक्षमा प्रकाश पार्ने कार्यमा सक्रिय छन्। यस गीतको सार्वजनिक भए सँगै उनको सृजनात्मक पक्ष थप उजागर भएको छ।
‘मलाई जलाउँदा’ प्रेम र वेदनाका भावलाई चित्रण गर्ने गीत हो, जसले सुन्नेवालासँग गहिरो भावनात्मक सम्बन्ध स्थापना गर्ने अपेक्षा गरिएको छ। लिरिकल म्युजिक भिडियो दर्शकको मन जित्ने क्रममा रहेको छ।
यस गीतको रिलिजले खड्काको बहुआयामिक प्रतिभा उजागर गर्नुका साथै संगीत प्रेमीहरू लाई नयाँ अनुभव दिने विश्वास गरिएको छ।
आफ्नो प्रतिकृया दिनुहोस्