२६ वैशाख, काठमाडौं: प्रधानमन्त्री केपी शर्मा ओली र नेपालका लागि भारतीय राजदूत नवीन श्रीवास्तव बीच आज बालुवाटार स्थित प्रधानमन्त्री निवासमा भेटवार्ता भएको छ।
भेटका क्रममा राजदूत श्रीवास्तवले भारतको पहलगाममा गत २२ अप्रिलमा भएको आतंकवादी आक्रमण पछिको भारत/पाकिस्तान बीचको पछिल्लो स्थिति र तनाव बारे प्रधानमन्त्री ओली लाई जानकारी गराएका हुन्। उनले उक्त घटनामा भारतले जवाफी कारबाही गरेको भए पनि जेट हमला भएको भन्ने प्रचार असत्य रहेको स्पष्ट पारे।
राजदूत श्रीवास्तवले सो घटना सम्बन्धी नेपाल सरकार द्वारा बिहीबार सार्वजनिक गरिएको वक्तव्य प्रति आभार व्यक्त गरे।सो अवसरमा प्रधानमन्त्री ओलीले नेपाल सधैं विश्व शान्तिको पक्षमा दृढ रूपमा उभिएको उल्लेख गर्दै आतंकवादका सबै रूपको भर्त्सना गरे।
उनले नेपालले कुनै पनि द्वन्द्वमा संलग्न पक्ष लाई छिमेकी मुलुक विरुद्ध आफ्नो भूमि प्रयोग गर्न दिने अनुमति नदिने स्पष्ट पार्दै शान्तिपूर्ण समाधानको पक्षमा नेपालको प्रतिबद्धता दोहोर्याएका थिए ।
आफ्नो प्रतिकृया दिनुहोस्