नेपाल-भारत संयुक्त आयोगको सातौँ बैठक सुरु

काठमाडौँ : नेपाल-भारत पर-राष्ट्रमन्त्री स्तरीय संयुक्त आयोगको सातौँ बैठक यहाँ सुरु भएको छ । बैठकमा परराष्ट्रमन्त्री नारायण प्रकाश साउद र भारतीय विदेशमन्त्री डा. एस जयशंकरले आ-आफ्नो देशको प्रतिनिधिमण्डलको नेतृत्व गर्नुभएको छ । बैठकमा द्विपक्षीय सहकार्य र आपसी हितका विविध विषयमा समीक्षा र छलफल हुने जनाइएको छ । भारतीय विदेशमन्त्री डा. जयशंकर दुई दिने भ्रमणका क्रममा आज नेपाल आइ पुग्नु भएको हो ।