पोखरा,१८ स्थित सराङकोटमा निर्माण भएको ६१ फिट अग्लो पञ्चमुखी गणेश मूर्ति सराङकोट नयाँ धार्मिक पर्यटकीय गन्तव्यका रूपमा विकसित भएको छ । २०८१, १७ फागुनमा उद्घाटन भएको यस मूर्तिले उक्त क्षेत्रमा पर्यटन प्रवर्द्धनमा नयाँ आकर्षण थपेको छ ।
हिमशृङ्खला र सूर्योदयको मनमोहक दृश्यले वर्षैदेखि पर्यटकलाई आकर्षित गर्दै आएको सराङकोट अब धार्मिक गन्तव्यका रूपमा विकसित हुँदैछ । सराङकोट धार्मिक एवं पर्यटन क्षेत्र विकास समितिले ५६ रोपनी जमिनमा, ४० करोड लगानीमा उक्त पूर्वाधार बनाइएको हो । पोखराको सराङकोट धाममा निर्माण भएको पञ्चमुखी गणेश मूर्ति एवं देवालयको उद्घाटन राष्ट्रपति रामचन्द्र पौडेलले गरेका थिए ।
आफ्नो प्रतिकृया दिनुहोस्