१९ साउन,काठमाडौं: नेपाल सरकार सचिव स्तरको निर्णयले विभिन्न पदमा पदोन्नति भएका प्रहरी अधिकृतहरूलाई प्रहरी महानिरीक्षक धिरज प्रताप सिंहले नेपाल प्रहरी प्रधान कार्यालयमा बिहीबार आयोजित एक समारोह बीच दर्ज्यानी चिन्ह प्रदान गर्नु भएको छ । प्रशासन तर्फका प्रहरी नायव उपरीक्षक ३३ जना, प्राविधिक तर्फका प्रहरी नायव उपरीक्षक ९ जना र प्राविधिक तर्फका प्रहरी निरीक्षक २१ जना गरि ६३ जनालाई अधिकृतहरूलाई महानिरीक्षक सिंहले दर्ज्यानी चिन्ह प्रदान गर्नु भएको हो।
समारोहमा प्रहरी महानिरीक्षक सिंहले पदोन्नति भएका प्रहरी अधिकृतहरूलाई पदोन्नति संगै बढेको जिम्मेवारीलाई प्रहरी अधिकृतहरूले आ-आफ्नो योग्यता अनुसारको विशिष्टिकृत विधाहरूमा उत्कृष्ट काम गर्न निर्देशन दिनुभयो। साथै प्रहरी कर्मचारीहरूले संगठनको मूल उद्देश्यमा केन्द्रीत भई संगठनको श्रीवृद्धिमा व्यावसायिक निष्ठाका साथ अनुशासित एवं मर्यादित ढंगले काम गर्नुपर्नेमा पनि उहाँको जोड रहेको थियो।
समारोहमा पदोन्नति भएका अधिकृतहरूको तर्फबाट मन्तव्य व्यक्त गर्दै प्रहरी नायव उपरीक्षक होम बहादुर थापाले प्रविधिको विकास संगै अपराधमा देखिएका फरक शैलीले आगामी दिनहरू अझ चुनौतीपूर्ण हुने बताउँदै व्यावसायिक निष्ठा, ईमानदारीता, अनुशासित र कर्तव्य निष्ठ भई त्यस्ता जटिल परिस्थितीको सामना गरी संगठनको गरिमा उच्च राख्न कटिबद्ध भई लाग्ने प्रतिवद्धता व्यक्त गरेका छन्। उक्त समारोहमा प्रहरी अतिरिक्त महानिरीक्षकहरू, प्रहरी नायव महानिरीक्षकहरू, वरिष्ठ प्रहरी अधिकृतहरू, प्रहरी अधिकृत एवं जवानहरूको समेत उपस्थिति रहेको थियो ।
आफ्नो प्रतिकृया दिनुहोस्