९ जेठ, काठमाडौं : सान्भि इनर्जी लिमिटेडले सर्व-साधारणका लागि आज (जेठ ९ गते) देखि प्राथमिक शेयर (आईपीओ) निष्कासन गरेको छ। कम्पनीले प्रतिकित्ता रु. १०० अंकित मूल्यमा २४ लाख १५ हजार ३०० कित्ता सेयर जारी गर्दैछ, जसको कुल मूल्य रु. २४ करोड १५ लाख ३० हजार बराबरको हुनेछ।
यस अघि आयोजना प्रभावित स्थानीय बासिन्दा र वैदेशिक रोजगारीमा रहेका नेपाली नागरिकहरूका लागि छुट्टै चरणमा आईपीओ जारी भइसकेको थियो। अब दोस्रो चरणमा सर्व-साधारण लगानीकर्ताका लागि बाँकी सेयर जारी गरिँदैछ, जसको आवेदन अवधि जेठ १३ गते सम्म हुनेछ। माग बमोजिम पर्याप्त आवेदन नपरेमा आईपीओ जेठ २३ गते सम्म खुला रहनेछ।
आईपीओका लागि नेपाल एसबिआई मर्चेन्ट बैंकिङ लिमिटेड बिक्री प्रवन्धकको रूपमा नियुक्त गरिएको छ। इच्छुक लगानीकर्ताहरूले नेपाल धितोपत्र बोर्डबाट अनुमति प्राप्त सम्पूर्ण आस्बा सदस्य बैंक तथा वित्तीय संस्थाहरू र तिनका शाखा कार्यालय मार्फत आवेदन दिन सक्नेछन्। साथै, मेरो सेयर अनलाइन प्रणाली मार्फत पनि सहज रूपमा आवेदन दिन सकिने छ।
यस अघि सान्भि इनर्जी ले आयोजना प्रभावित क्षेत्रका स्थानीयका लागि ८ लाख ८० हजार कित्ता सेयर (रु. ८ करोड ८० लाख बराबर), वैदेशिक रोजगारीमा रहेका नेपालीहरूका लागि २ लाख ९१ हजार कित्ता सेयर (रु. २ करोड ९१ लाख बराबर),सामूहिक लगानी कोषका लागि १ लाख ४५ हजार ५०० कित्ता सेयर, र कर्मचारीहरूका लागि ५८ हजार २०० कित्ता सेयर पहिल्यै बाँडफाँट गरि सकेको छ।
सान्भि इनर्जीको आईपीओ प्रति लगानीकर्ताको चासो उच्च हुने अपेक्षा गरिएको छ, किन भने कम्पनीको ऊर्जा क्षेत्रमा लगानी आकर्षणको केन्द्र बिन्दु बन्न थालेको छ।
आफ्नो प्रतिकृया दिनुहोस्