१५ फागुन,महोत्तरी : महोत्तरीको मटिहानीमा आजदेखि सामुदायिक विद्यालयहरुको सहभागितामा चौथो नगर स्तरीय राष्ट्रपति रनिङ्गशिल्ड प्रतियोगिता सुरु भएको छ । मटिहानीको रंगशालामा आयोजित उक्त प्रतियोगिताको समुद्घाटन नगरपालिका प्रमुख हरि प्रसाद मण्डलले गरेका थिए।
खेलको समुद्घाटन गर्दै नगर प्रमुख मण्डलले मटिहानीमा विकाशको हिसाबले नयाँ शहरको रुपमा पूर्वाधार तथा संरचनाहरु थपिदै गएको बताउँदै उनले खेलकूदको विकास तथा राष्ट्रको क्षवि उच्च बनाउन योगदान दिन सक्ने खिलाडीहरुको भूमिकालाई सबल बनाउने क्रमले तीब्रता पाएको उल्लेख गरे।
राम मा.वि.,राजकीय संस्कृत मा.वि.,लक्ष्मी नारायण मा.वि.लगायत सिर्सिया तथा मझौराका विधालयमा १८ वर्ष भन्दा मुनि र कक्षा १२ सम्म अध्ययनरत् ५ वटा विधालयका विद्यार्थीहरुलाई केन्द्र बिन्दु बनाई मटिहानी नगरपालिकाले संचालन गर्ने सो भलिबल प्रतियोगिता दुई दिन सम्म चल्ने छ। उक्त नगर स्तरीय प्रतियोगितामा आयोजक द्वारा छुट्टा छुट्टै प्रथम ,द्वितीय र तृतीय हुने विधालयहरु लाई ट्रफी र नगद पुरस्कार तथा प्रमाण पत्र प्रदान गरिने छ।
कार्यक्रमको समुद्घाटनको अवसरमा निमित प्रमुख प्रशासकीय अधिकृत राजेश कुमार शर्मा, पूर्व गाविस अध्यक्ष श्री राम कुमार मण्डल,पत्रकार , विभिन्न दलका प्रतिनिधि, प्रधान अध्यापकहरु , नागरिक समाज ,बुद्धिजीवी तथा वड़ा नं . ७ का वड़ा अध्यक्ष जीतनारायण माझी, वड़ा नं . ८ का वड़ा अध्यक्ष गणेश प्रसाद साह , वड़ा नं . १ का वड़ा अध्यक्ष शिवशंकर कुमार राय , वड़ा नं . ४ का वड़ा अध्यक्ष मईनुद्दीन राईन , शिक्षा संयोजक श्री चन्देश्वर साह लगायत विद्यालयका व्यवस्थापन समितिका अध्यक्षहरु सहभागी रहेका थिए ।
आफ्नो प्रतिकृया दिनुहोस्