२२फागुन,महोत्तरी,बिरेन्द्र कर्ण : भारतीय पक्षले महोत्तरीको नैन्ही स्थित दसगजा क्षेत्र अतिक्रमण गरि जबरदस्ती पक्कि पुल बनाए पछि महोत्तरी प्रशासनले सो पुलको बाँकी निर्माण काम रोकेको छ।जलेश्वर नगर पालिका वडा नं. १२ नैन्ही र भारत सीतामढी नवाही गाउँ वडा नं . ५ भिठामोडमा रहेको सिमा स्तम्भ ३०१ /२ (६)देखि मुख्य सिमा स्तम्भ ३०२ /७ सम्म करिब ११ सय मिटर क्षेत्रफ़ल दसगजा अतिक्रमण गरि पक्कि पुल बनाउन लाग्दा स्थानीय प्रशासनले रोकेको सशस्त्र प्रहरीबल नेपाल नं ९ गण हेड क्वाटर महोत्तरी जल सागरले जनाएको छ।
सशस्त्र प्रहरी उपरिक्षक दिपेन्द्र गिरि का अनुसार अन्तराष्ट्रिय सिमाको नो मेन्स लैंड मा कुनै पनि तर्फ बाट भौतिक संरचना तथा पूर्वाधार निर्माण गर्न नपाइने कानुनी व्यवस्था हुँदा हुँदै भारतीय पक्षले एक तर्फी रुपमा दसगजा अतिक्रमण गरि उक्त पक्कि पुल निर्माण गरेका ले सो निर्माण कार्य हाल लाई रोकिएको हो।
सशस्त्र प्रहरीबल नेपाल र भारतीय सशस्त्र सिमा बल (एस .एस. बि .) को सिमा इलाका तथा सिमा स्तम्भको सुरक्षा गर्ने जिम्मेवारी रहेको छ – सशस्त्र प्रहरी उपरिक्षक गिरि ले भन्नु भयो – अतिक्रमित क्षेत्रको नाप जांच गरि यकिन गर्न नसक्ने भएकोले सो सम्बन्धमा नेपाल भारत दुवै देशका उच्च स्तरीय टोलिले स्थलगत सर्वे गरि हालभै रहेको निर्माण कार्य सम्बन्धमा उचित निर्णय लिनु पर्ने देखिन्छ।
उहाँले जब सम्म नेपाल भारत दुवै देशका सयुंक्त टोलिले स्थलगत सर्वे नगरुन्जेल सम्म निर्माण भैरहेको पुलको काम लाई तत्काल रोकिएको बताए।यसै बीच उक्त गणले माघ र फाल्गुन २० गते सम्म ८९ लाख २८ हजार ७२९ रुपैया बराबरको अवैध समान पक्राउ गरि सम्बन्धित भन्सार कार्यालय लाई बुझाएको छ।
आफ्नो प्रतिकृया दिनुहोस्