१८ जेठ,हेटौंडा: विश्व दुग्ध दिवसको अवसरमा हेटौंडामा आयोजित कार्यक्रममा दुग्ध क्षेत्रका संघ-संस्था, व्यवसायी, वैज्ञानिक, सहकारी प्रतिनिधि र सरकारी अधिकारीहरूले किसानको भुक्तानी, दुग्ध खपत तथा प्रवर्द्धन बारे गम्भीर छलफल गरे।
‘दूधको खपत बढाऔं, अर्थतन्त्रलाई सबल बनाऔं’ भन्ने नारा सहित कार्यक्रम सम्पन्न भएको हो। कार्यक्रममा बाग्मती प्रदेश दुग्ध विकास बोर्डका उपाध्यक्ष हरि प्रसाद पौडेलले दूधको पोषणीय महत्व र आर्थिक योगदानबारे प्रकाश पारे।
किसानहरू लाई समयमै भुक्तानी नपाएको विषयमा जिल्लाका सहकारी संघ अध्यक्षहरु देखि मन्त्री सम्मले चिन्ता व्यक्त गरे। कृषि तथा पशुपन्छी विकास मन्त्री रामनाथ अधिकारीले आफू मन्त्री भए देखि नै किसानको पैसा तिर्न नसक्दा दुःख लागेको बताए।
डिडिसी मार्फत झण्डै १ अर्ब र समग्रमा ३–४ अर्ब रुपैयाँ किसानलाई तिर्न बाँकी रहेको जानकारी दिए।अन्य वक्ताहरूले वैज्ञानिक पद्धति, गुणस्तर परीक्षण, प्रविधिको प्रयोग, र दुग्धजन्य वस्तुको निर्यात प्रवर्द्धन बारे जोड दिए। सरकारी, निजी र सहकारी क्षेत्रको समन्वयमा समस्याको समाधान खोज्नु पर्नेमा सबैको जोड थियो।
आफ्नो प्रतिकृया दिनुहोस्