१६ असार, काठमाडौं । नेपाल आयल निगमले पेट्रोलियम पदार्थको मूल्यमा फेरि वृद्धि गरेको छ। निगमले सोमबार जारी गरेको प्रेस विज्ञप्तिमा उल्लेख भए अनुसार पेट्रोलको मूल्य प्रतिलिटर ५ रुपैयाँले बढाइएको छ भने डिजेल र मट्टितेलमा प्रतिलिटर ४ रुपैयाँको वृद्धि गरिएको छ।
नयाँ दर अनुसार पेट्रोलको मूल्य अब प्रतिलिटर १६२.५० रुपैयाँ, डिजेल तथा मट्टितेलको मूल्य १४६.५० रुपैयाँ कायम गरिएको छ। मूल्यवृद्धि आजै (असार १६) राति १२ बजेदेखि लागू हुने निगमले जनाएको छ।
निगमका अनुसार भारतको इन्डियन आयल कर्पोरेशन (IOC) बाट प्राप्त नयाँ खरिद मूल्यका आधारमा मूल्य समायोजन गरिएको हो। अन्तर्राष्ट्रिय बजारमा इन्धनको मूल्यमा वृद्धि भएकाले लागत बराबर मूल्यमा समायोजन गर्नुपरेको निगमले स्पष्ट पारेको छ।
आफ्नो प्रतिकृया दिनुहोस्