१५ माघ, जनकपुर।मधेश प्रदेश सरकारले १८ माघ रविदास जयन्ती (माघ पूर्णिमा) को अवसरमा प्रदेशभर(आईतवार)सार्वजनिक बिदा दिने निर्णय गरेको छ।
प्रदेश सरकारको गृह, सञ्चार तथा कानुन मन्त्रालय का प्रवक्ता राधेशंकर प्रसाद पाल ले बिहीबार विज्ञप्ति जारी गर्दै प्रदेश सरकार मन्त्रिपरिषद्को मिति २०८२/०८/१६ गतेको निर्णय अनुसार२०८२/१०/१८माघमा सार्वजनिक बिदा दिइएको जानकारी गराएका हुन्।
विज्ञप्तिमा मधेश प्रदेश लगायत देशभरका दलित तथा सीमान्तकृत समुदायले विशेष श्रद्धा र भक्तिका साथ मनाउने रविदास जयन्तीको अवसरमा, प्रदेश भित्र बसोबास गर्ने उक्त समुदाय प्रति सम्मान प्रकट गर्न सार्वजनिक बिदा दिने निर्णय गरिएको उल्लेख छ।
यस निर्णयको स्वागत विदेशमा रहेका नेपाली समुदायले पनि गरेका छन्। विशेष गरी दुबईमा रहेका मधेशवासी तथा दलित समुदायका अगुवाहरूले प्रदेश सरकारको निर्णयले सामाजिक समावेशिता र सम्मानको सन्देश दिएको प्रतिक्रिया दिएका छन्। दुबईमा विभिन्न संघ–संस्था मार्फत रविदास जयन्ती मनाउने तयारी समेत भइरहेको बताइएको छ।
प्रदेश सरकारले लिएको यो निर्णयले धार्मिक–सांस्कृतिक सहिष्णुता तथा समुदाय बीचको आपसी सम्मानलाई थप मजबुत बनाउने विश्वास व्यक्त गरिएको छ।
आफ्नो प्रतिकृया दिनुहोस्