काठमाडौं। नेपाली सेनाले आन्तरिक सुरक्षा परिस्थितिलाई ध्यानपूर्वक मूल्याङ्कन गर्दै छिटोभन्दा छिटो शान्ति र सुरक्षा कायम गर्ने उद्देश्यले आवश्यक पहल गरेको जनाएको छ।
शुक्रबार जारी गरेको सूचनामा सेनाले भनेको छ, “आन्तरिक सुरक्षामा पर्न सक्ने प्रभावलाई वस्तुपरक ढंगले मूल्याङ्कन गरी छिटो भन्दा छिटो शान्ति र सुरक्षा कायम गर्ने उद्देश्यले नेपाली सेनाले आवश्यकता अनुसार पहल गरेको जानकारी गराउन चाहन्छौं।”
सेनाले हालको संवेदनशील अवस्थामा विभिन्न सञ्चार माध्यम र सामाजिक सञ्जाल मार्फत संस्था र नेतृत्वसँग जोडिएका टिप्पणी तथा धारणा फैलिनुमा ध्यानाकर्षण भएको पनि जनाएको छ। आन्दोलनका क्रममा सेनाका गतिविधि शंकास्पद देखिएको भन्ने दृष्टिकोणबाट जनस्तरमा तीव्र आलोचना भएपनि, सेनाले शान्ति र सुरक्षामा प्रश्न नउठाउन अपील गरेको छ।
सूचनामा थप भनिएको छ, “नेपाली सेनाले आफ्नो धारणा र गतिविधिहरू नियमित रूपमा प्रेस विज्ञप्ति, प्रेस नोट र आधिकारिक सामाजिक सञ्जालमार्फत सार्वजनिक गर्दै आएको तथ्यलाई पनि जानकारी गराउँदछौं।”
आफ्नो प्रतिकृया दिनुहोस्