१८ चैत,काठमाडौं । राष्ट्रिय स्वतन्त्र पार्टी (रास्वपा)का सभापति रवि लामिछानेले मंगलबार विभिन्न राजनीतिक नेताहरूसँग भेटवार्ता गरेका छन्।
आज बिहान बुढानिलकण्ठ स्थित निवासमा राष्ट्रिय सभा सदस्य महन्थ ठाकुरसँग भएको भेटमा वर्तमान राजनीतिक अवस्था, मधेसको विकास र प्राथमिकतामा राख्नु पर्ने योजनाबारे छलफल भएको छ। दुबै पक्षले पछिल्लो जनादेशअनुसार समग्र विकासका लागि सहकार्य गरेर अघि बढ्ने विषयमा सहमति जनाएका छन्।
त्यसैगरी, आम जनता पार्टीका अध्यक्ष प्रभू साह सँग पनि लामिछानेले भेटवार्ता गरेका छन्। उक्त भेटमा सभापति लामिछानेले सरकारले मधेसलाई प्राथमिकतामा राखेर काम गर्ने प्रतिबद्धता व्यक्त गरेका थिए।
भेटवार्तामा देश तथा विशेषगरी मधेस क्षेत्रमा देखिएको परिवर्तनको चाहनालाई आत्मसात् गर्दै आपसी सहकार्य र समन्वयमार्फत अघि बढ्ने विषयमा केन्द्रित छलफल भएको जनाइएको छ। साथै, सो अवसरमा अध्यक्ष साहले लामिछानेलाई बधाई समेत दिएका थिए।
आफ्नो प्रतिकृया दिनुहोस्