१५ जेठ ,धनुषा : जनकपुरधाम उपमहानगरपालिका वडा नं. ४ स्थित माछाबजार निर महेश्वर मण्डलको घरमा रहेको गोदाममा राख्न लागेको अवस्थामा बुधबार राति प्रहरीले करिब ११ लाख रुपैयाँ बराबरको दिलवाले नामक सौफी मदिरा बरामद गरेको छ ।
जिल्ला प्रहरी कार्यालय धनुषा बाट खटिएको प्रहरीले ना.२ ख ८२७९ नम्बरको ट्रकमा लुकाइ छिपाई ल्याई गोदाममा राख्न झार्दै गरेको अवस्थामा उक्त मदिरा ट्रक सहित बरामद गरेको हो । फरार ट्रक चालकको खोजी गर्नुका साथै ट्रकमा मदिरा मंगाउने सोहि ठाउँका व्यक्ति उमेश मण्डलाई नियन्त्रणमा लिई यस सम्बन्धमा धनुषा प्रहरीले थप अनुसन्धान गरिरहेको छ ।
आफ्नो प्रतिकृया दिनुहोस्