जनकपुरधाम,८साउन ।(रवि मण्डल)
प्रदेश नं. २ मा धनुषा स्थित जनकपुरधामको मुरली चौक नजिक रहेको प्रधानमन्त्री कृषि आधुनिकीकरण कार्यालयमा सरकारद्वारा किसानहरु लाई दिइने अनुदान रकममा भयङ्कर घोटाला भैरहेको धनुषाका माछापालक किसानहरुले आरोप लगाएका छन्।
उक्त कार्यालय अन्तर्गत माछा सुपर जाँन परियोजनाका प्रमुख एवं शाखा अधिकृतले माछापालक किसानलाई सम्झौता विपरित रकम उपलब्ध गराए पछि किसानहरु पूर्ण आक्रोशित बनेका छन्। माछाजाँन सँग भएको सम्झौता अनुसार आफूहरुलाई पटकपटक झुक्याउदैआएको भनेर जनकपुरधाममा बुधवार पत्रकार सम्मेलन गरी माछा पालक किसानहरुले सो गम्भीर आरोप लगाएका छन् ।
जनकपुरधाम उप-महानगरपालिका वडा नं. २० का रंजित साहका अनुसार,आफूले ३७ कट्ठा खेतको जमिनमा पोखरी खनाएको हुँदा माछा जाँन संग भएको सम्झौता अनुसार आफूले तीन लाख ७० हजार पाउनु पर्नेछ। तर विभिन्न बहाना देखाई अहिलेसम्म एक रुपैया पनि भुक्तान नगरेको भनि करुण गुनासो पोखेका छन् ।उनले भने, ‘सम्झौता अनुसार म्याद भित्र पोखरीको सबै कार्य सम्पन्न भएको छ । तर रकम माग्दा विभिन्न झमेला हरानी गराउनुका साथै रकम अर्को आर्थिक वर्षमा दिइने भन्दैछन ।’ आब के गर्ने ?
सुपर माछा जाँनका प्रमुख युगल किशोर तिवारी र शाखा अधिकृत दीपक कुमार मिश्रले रकमको लेनदेन गरी सक्कली भन्दा पहुँचवाला नक्कली किसानको तिजोरिमा अनुदानको रकम पुर्याएको तथा आफ्नो नातागोताको नाउमा रहेको पुरानो पोखरी हरु नया देखाई भुक्तानी गरेको र पोखरीपालक किसानहरुको नाउँमा बाँकी रहेको मध्ये आधि रकम मात्र ट्रान्सफर गरी अनियमितता गर्ने गरेको उनले आरोप समेत लगाएका छन् ।
धनुषाका ५० जना बढी माछा किसानहरु उनीहरुबाट पीडित छन् ,आक्रोषित छन् । पत्रकार सम्मेलन पश्चात् जिल्ला प्रशासन कार्यालयमा आजै उजुरी दिइने उनले पत्रकार सम्मेलनमा बताएका छन् ।आफूहरुसँग भएको सम्झौता अनुसार सो कार्यालयले रकम उपलब्ध नगराएमा प्रदेश सरकार, जि.प्रशासन .का.मा पहिलो ज्ञापनपत्र बुझाउने त्यसपछि अगाडी अदालती प्रक्रिया समेतमा जाने साहले चेतावनी दिएका छन् ।
त्यस्तै अर्का माछापालक किसान समिम नदाफले पनि प्रमुख तिवारी र शाखा अधिकृत मिश्रसँग गुनासो गरेको छ । उनले भने, ‘२४ कट्टामा पोखरी खनाएको छु । सम्झौता अनुसार मैले पाउनु पर्ने २ लाख ४० हजार मध्ये एक लाख ६ हजार मात्र पाएको छु ।’ म कहाँ जाउँ ?
पत्रकार सम्मेलनमा आधा दर्जनको संख्यामा पीडित माछापालक किसानहरु को उपस्थिति रहेको थियो। उनीहरुले सुपर माछा जाँनको करणी र कथनीमा अन्तर भएकोले अन्तमा बाध्य भएर पत्रकारहरु मार्फत जनता समक्ष यस सम्बन्धमा खुलाशा गरेको भनेका थिए।
आफ्नो प्रतिकृया दिनुहोस्