२० जेठ,धनुषा,(आशिष कुमार मंडल) : जनकपुरधाममा एक निर्बल ड्राइभर उपर ज्यान नै जाने गरि गम्भीर हमला भएको छ। निषेधाज्ञामा स्थानीय प्रशासन द्वारा जारि छुटको समयमा आज बिहान करिब ८.३० बजे शिव चौकमा उक्त घटना भएको हो।
जानकीचौक बाट तरकारी किनी घर फर्किने समयमा घात लगाई बसेका वडा नं. २ बस्ने शत्रुघ्न ठाकुर लोहारका छोरा सुरेश ठाकुर लोहार तथा वडा नं. २ बस्ने मोहन मंडल खत्वेका छोरा संजय मंडल खत्वेले जनकपुरधाम वडा नं. २ का स्थानीय बासिन्दा सन्तोष मंडललाई ईटा,ढुंगा तथा रौडले प्रहार गरि घाइते तुल्याएको छ ।उनिहरुले मंडलले चढेको मोटरसाइकल भुइँमा पछाडी उनको टाउकोमा त्यहि खैनी पसलमा रहेको लोहाको रौड समेत बजारेका थिए।
टाउकोमा हेल्मेट लगाएको कारण मंडललाई चोटको असर त्यति नपरेता पनि हेल्मेट भने २ टुक्रा भएको स्थानीय प्रत्यक्षदर्शीले बताए। गुन्डाको शैलीले बीच चौकमा एक नागरिक पिटी रहेको अवस्था बुझी धनुषा प्रहरी तुरन्त घटना स्थलमा पुगेका थिए। प्रहरी देख्ना साथ् भाग्ने क्रममा रहेका सुरेश ठाकुर तथा संजय मंडल खत्वेलाई रामचौक निर पक्राउ गरिएको थियो।
कम्मर मुनि हड्डीका चोट समेत खाएका पिडित मंडलको उपचार समाचार लेख्दा सम्म जनकपुरधाम प्रादेशिक अस्पतालमा भैरहेको उनका छोरा सिधु मंडलले जनाएका छन् । पक्राउ परेका आरोपीहरु उपर यस सम्बन्धमा थप अनुसन्धान शुरु गरिसकेको तथा कोरोना जस्तो कठिन कालमा पनि गर्ने यस्ता खाल का क्रिया कलापहरु निन्दनीय रहेको जिल्ला प्रहरी कार्यालयका प्रमुख (प्रहरी उपरीक्षक) प्रकाश रानाभाट बताएका छन्।
आफ्नो प्रतिकृया दिनुहोस्