२ चैत्र,जनकपुरधाम : जनकपुरधाम उप- महानगरपालिकाको आयोजना तथा नगर प्रमुख लाल किशोर साहको अध्यक्षतामा आज होलि मिलन समारोह तथा कर्मचारी सम्मान कार्यक्रम गरिएको छ। होलीको सुखद अवसरमा नगर प्रमुख साह तथा प्रमुख प्रशासकीय अधिकृत प्रधुम्न प्रसाद उपाध्यायले कर्मचारीहरुलाई बधाई दिदैं सफाइकर्मी,ड्राइभर, कार्यालय सहयोगी,प्लम्बर,इलेक्ट्रिकसियन,नगर प्रहरी,सफाई इन्चार्ज,सुपरभाइजर,स्वास्थ्यकर्मी लगायत विभन्न स्तरका कर्मचारीहरुको कार्यलाई उच्च मुल्यांकन गरी प्रशंशा पत्र समेत वितरण गरेका छन्।
अधिकृत उपाध्यायले जीवन रंगिन छ र यसको अनभूतिको लागि पनि हामीले यो आनन्दमई चाड मनाउने गर्दछौ भनि होली पर्वको सन्दर्भमा विशेष चर्चा परिचर्चा गरेका थिए। उक्त कार्यक्रममा नगर प्रमुख साहले कोरोना कालको गम्भीर संकटलाई सम्झिदै त्यस बखत पनि स्वास्थ्यकर्मी,सफाइकर्मी,ड्राइभर,नगर प्रहरी ,कार्यालय सहयोगीहरु लगायत अन्य समेतहरुले पूर्ण रुपमा आ- आफ्नो कर्तव्यमा समर्पण भै अहोरात्र खटेको देखेको र त्यो महत्वपूर्ण काम सबैको साथ सहयोगले मात्र संभव हुन् सकेको थियो भन्दै आफु सम्मानित कर्मचारीहरु प्रति सदैव ऋणी रहने बताए।
नगर प्रमुख साहले कर्मचारी हरुको प्रसंशा गर्दै भने कर्मचारीको योगदान लाई कदर गर्दै उनीहरुको सम्मान कार्यक्रमको व्यवस्था मिलाउनुको सम्पूर्ण श्रेय प्रमुख प्रशासकीय अधिकृत प्रधुम्न प्रसाद उपाध्याय सर को रहेको भन्दै उहाँ प्रति आभार प्रकट गरेका थिए।
कार्यालयको प्रांगणमा गरिएको होलि मिलन समारोह तथा सम्मान कार्यक्रममा नगर प्रमुख लाल किशोर साह ,उप-प्रमुख रिता मिश्र ,प्रमुख प्रशासकीय अधिकृत प्रधुम्न प्रसाद उपाध्याय ,वरिष्ठ इन्जिनियर बिरेन्द्र यादव, शाखा अधिकृत गणेश यादव ,परमेश झा,गुरुदेव साह, वडा सचिव तथा कर्मचारी एशोसिएसनका अध्यक्ष शरद लाभ ,वडा नं.१४ का अध्यक्ष पुण्य प्रसाद यादव र वडा नं . ८ का अध्यक्ष रमेश ठाकुर , वडा नं . ११ का अध्यक्ष रामचन्द्र साह ,वडा नं .६ का अध्यक्ष जगरनाथ साह का साथै अन्य वरिष्ठ कर्मचारीहरुको बाक्लो उपस्थिति रहेको थियो।
आफ्नो प्रतिकृया दिनुहोस्