१६ असार,नयाँ दिल्ली : बुधबार मध्य राति अर्थात २४ घण्टाको समयावधीमा भारतमा कोरोना भाइरसबाट थप १८ हजार ८१९ संक्रमित भएका छन् । हाल भारतमा कोरोनाका कुल संक्रमितको संख्या चार करोड ३४ लाख ५२ हजार १६४ पुगेको केन्द्रीय स्वास्थ्य तथा परिवार कल्याण मन्त्रालयले बिहीबार जानकारी दिएको छ ।
मंगलवार मध्यराति सम्म अर्थात गत २४ घण्टासम्म कोरोना संक्रमणमा ३९ को मृत्यु भएको थियो । कोरोना शुरु भएबाट हालसम्म यस महामाहरीको कारण पाँच लाख २५ हजार ११६ को मृत्यु भएको छ । हाल भारतमा एक लाख चार हजार ५५ सक्रिय संक्रमित रहेका छन् । सक्रिय संक्रमित एक लाख भन्दा बढी भएको गत छ महिनायता पहिलो पटक हो । पछिल्लो एक दिनमा तेह्र हजार ८२७ कोरोना भाइरसबाट संक्रमणमुक्त भएका छन् ।
योसँगै भारतमा अहिले सम्म संक्रमणमुक्त भएकाले कुल संख्या चार करोड २८ लाख २२ हजार ४९३ पुगेको छ । कोरोना भाइरस निको भएको यो दर ९८.६१ प्रतिशत रहेको छ । भारतमा सन् २०२१ को जनवरी १६ बाट कोरोना भाइरस विरुद्ध खोप अभियान शुरु भएको थियो । सो समयदेखि हालसम्म एक अर्व ९६ करोड ८४ लाख डोजभन्दा बढी खोप लगाइएको समाचारमा जनाइएको छ । यहाँ कोरोना संक्रमण शुरु भएबाट हालसम्म ८६ करोड भन्दा बढीको कोरोना भाइरस परीक्षण भएको बताइएको छ ।
आफ्नो प्रतिकृया दिनुहोस्