६ साउन, कोलम्बो। श्रीलंकाको पोदुजाना पेरामुना पार्टी (एसएलपिपी) का ७३ वर्षीय दिनेश गुणवर्धनाले १५औँ प्रधानमन्त्रीको रुपमा राष्ट्रपति रनिल विक्रमासिंघे समक्ष पद तथा गोपनीयताको शपथ लिनु भएको छ ।विभिन्न दलका विधायक तथा राजनीतिक दलका नेताहरू सँग बिहीबार गरिएको गहन छलफल पछि शुक्रबार उहाँलाई प्रधानमन्त्री पदको शपथ गराइएको हो ।
उनले भूतपूर्व राष्ट्रपति गोटाबाया राजपक्षे र रनिल विक्रमासिंघेको नेतृत्वमा पहिले पनि गृहमन्त्रीका रुपमा काम गरेका थिए । यस क्रममा राष्ट्रपति सचिवालय बाहिर ठूलो संख्यामा उपस्थित प्रदर्शनकारीहरूलाई नियन्त्रण गर्न उच्च मात्रामा सशस्त्र सुरक्षाकर्मी परिचालन गरिएको थियो ।
आगामी बुधबार संसद्को बैठकपछि राष्ट्रिय सरकार गठनका विषयमा टुंगो लगाइने भनिएको छ । राजनीतिक दलहरू मिलेर राष्ट्रिय सरकार गठन गरे पछि मात्र मन्त्रिपरिषद् पूर्णता पाउने छ । (एजेन्सी)
आफ्नो प्रतिकृया दिनुहोस्