२९ साउन,पर्सा :हत्या गरेको अभियोगमा २ जनालाई पर्सा प्रहरीले पक्राउ गरेको छ।बारा बिश्रामपुर गाउँपालिका-५ ईटियाही घर बस्ने २३ वर्षीय राजकुमार ठाकुरको अपहरण, शरीर बन्धक गरी हत्या गरेको आरोपमा बारा बिश्रामपुर गाउँपालिका-५ ठेगाना भएका २८ वर्षीय उत्तम पटेल र सोही ठाउँ ठेगाना भएका ३० वर्षीय प्रितम पटेल लाई पक्राउ गरिएको हो।
राजकुमार ट्युसन पढ्न पर्सा वीरगंज महानगरपालिका-१६ नगवातर्फ साईकल चढी गएकोमा सम्पर्क विहीन भएको भन्ने सूचनाको आधारमा जिल्ला प्रहरी कार्यालय पर्साबाट खटिएको प्रहरीले घटनाको अनुसन्धानका लागि वीरगंजमा महानगरपालिका-१६ नगवास्थितमा टेलर सञ्चालन गरी बस्दै आएका उत्तम पटेल र उनकै दाइ प्रितम पटेललाई नियन्त्रणमा लिएको थियो ।
राजकुमार र उनीहरूकै बहिनीबीच प्रेम सम्बन्ध रहेको शङ्कामा राजकुमारलाई आफ्नै टेलरमा लगि हत्या गरे पश्चात शवलाई बोरा भित्र राखी ना.३८ प ४३९५ नम्बरको मोटरसाइकलमा भारतको रक्सौल रेल्वे स्टेशन पुर्याई मुजफ्फरपुर जाने ट्रेनको शौचालय नजिक रहेको खाली ठाउँमा छोडी भागेको थप अनसुन्धानको क्रममा खुल्न आएको छ ।
आफ्नो प्रतिकृया दिनुहोस्