१७ जेठ, काठमाडौं : सरकारले जेष्ठ ३२ सम्म लकडाउन थप गरेको छ । कोरोना भाइरसको संक्रमण बढेको भन्दै लकडाउनलाई ३२ जेठ सम्म लम्ब्याउने मन्त्रीपरिषदले निर्णय गरेको हो । शनिबार बसेको मन्त्रिपरिषद्को बैठकले कोरोना संक्रमण फैलिएको आवश्यक ठाउँमा सेना परिचालन गर्ने तथा असार १६ गतेसम्मका लागि अन्तर्राष्ट्रिय सीमा नाका बन्द गर्ने निर्णय समेत गरेको छ ।
सरकारका प्रवक्ता एवं अर्थ, सञ्चार तथा सूचना प्रविधि मन्त्री डा.युवराज खतिवडाले संक्रमणको जोखिम सीमा पारीबाट बढेकाले सीमा प्रवेशमा कडाई गरिने समेत बताउनु भएको छ । त्यसका लागि विश्व स्वास्थ्य संगठनको मापदण्ड अनुसार छिमेकी मुलुक सँग सहकार्य गर्ने निर्णय समेत बैठकले गरेको जनाइएको छ । यसअघि सरकारले जेठ २० गते सम्मका लागि बन्दाबन्दी जारी गरेको थियो । यद्यपि यो अवधिमा लकडाउनको मोडालिटी हेरफेर हुने बताइको छ ।
आफ्नो प्रतिकृया दिनुहोस्