१९ माघ ,काठमाडौं । भारत सरकारले आगामी आर्थिक वर्ष २०२६/२७ का लागि नेपाललाई ८ सय करोड भारतीय रुपैयाँ (करिब १२ अर्ब ८० करोड नेपाली रुपैयाँ) अनुदान सहायता उपलब्ध गराउने घोषणा गरेको छ।
भारतीय वित्तमन्त्री निर्मला सीतारमणले आइतबार संघीय संसद्मा पेस गर्नुभएको सन् २०२६–२७ को केन्द्रीय बजेटमार्फत नेपालका लागि उक्त वैदेशिक सहायता विनियोजन गरिएको हो। भारतले पछिल्ला वर्षहरूमा नेपाललाई उपलब्ध गराउँदै आएको अनुदान रकममा यस पटक वृद्धि गरेको देखिएको छ।
भारतले नेपाललाई प्रदान गर्ने वार्षिक अनुदानको आकार वर्षैपिच्छे बढ्दै गएको तथ्याङ्कले देखाउँछ:
आर्थिक वर्ष २०२६/२७ (प्रस्तावित): ८ अर्ब भारु (१२ अर्ब ८० करोड नेरु)
आर्थिक वर्ष २०२४/२५: ७ अर्ब भारु
आर्थिक वर्ष २०२३/२४: ६ अर्ब ५७ करोड भारु
भारतको ‘छिमेक पहिलो’ (Neighbors First) नीति अन्तर्गत विनियोजित यस रकमले नेपालको पूर्वाधार विकास, स्वास्थ्य, शिक्षा र आपत्कालीन राहतका क्षेत्रमा सञ्चालित आयोजनाहरूलाई गति दिने अपेक्षा गरिएको छ। यो अनुदानले दुई देशबीचको दीर्घकालीन विकास साझेदारी र रणनीतिक सम्बन्धलाई थप मजबुत बनाउने विश्वास लिइएको छ।
आफ्नो प्रतिकृया दिनुहोस्