उदयपुर,२५ : एक १२ वर्षीया बालिकालाई जबरजस्ती करणी गरेको अभियोगमा उदयपुरगढी गाउँपालिका-५ हलुने भञ्ज्याङ बस्ने २४ वर्षीय छबिलाल श्रेष्ठलाई बुधबार दिउँसो प्रहरीले पक्राउ छ । ती बालिकालाई कुकुङ्टारबाट घर फर्किने क्रममा सोही ठाउँस्थित जंगलमा जबरजस्ती करणी गरेको भन्ने खबर प्राप्त हुनासाथ प्रहरी चौकी उदयपुरगढीबाट खटिएको प्रहरीले श्रेष्ठलाई पक्राउ गरेको हो ।
त्यस्तै बर्दियाका ११ वर्षीया बालिकालाई जबरजस्तीकरणी गरेको अभियोगमा राजापुर नगरपालिका-५ झप्टी बस्ने ७० वर्षीय धन सिंह कामीलाई बुधबार दिउँसो प्रहरीले पक्राउ गरेको छ । ती बालिकालाई आफ्नै घरको कोठामा जबरजस्ती करणी गरेको भन्ने खबर प्राप्त हुनासाथ ईलाका प्रहरी कार्यालय राजापुरबाट खटिएको प्रहरीले धन सिंहलाई पक्राउ गरेको हो । यस सम्बन्धमा स्थानीय प्रहरीले थप अनुसन्धान गरिरहेको छ ।
आफ्नो प्रतिकृया दिनुहोस्