जलेश्वर, २ भाद्र(रवि मंडल) : केहि दिन पहले देखि मात्र भारतीय चार चक्के सवारी साधनहरुलाई नेपाल प्रवेश मा कडाइ गरे पनि अहिले सम्म बेधदकरुपमा ति साधनहरु सडक मा ८० को स्पीडमा भागेको सरल रुपमै देखिन्छ। हालांकी भारतीय गाडीलाई वर्षभरिमा ३० दिन मात्र नेपाल प्रवेशमा अनुमति को व्यवस्था छ। ३० दिन पछि त्यस्ता सवारी साधन हरु लाई नेपाल प्रवेश गर्नदिन भन्सारले पनि कुनै कागज पत्र जारि गर्दैन।
त यो सवाल आउछ कि एक्कै रंग को भारतीय गाडी सबै दिन एउटै ड्राइभर ले कसरी पी पी गर्दै नपाली सडकहरु नाप्दै छन्। को हुन् इनिहरु को असली मालिक ?कसले संचालन गर्दैछन् यस्ता गाडी ? कसरी रातारात नेपाली भुमि मा आइ पुग्छन भारतीय गाडी ? आखिर कसले साथ दि रहेका छन् यस्ता देश विरोधी तत्व हरु लाई ? यस्ता प्रश्न सोध्ने को संग ? कुन निकाय ले जवाब दिने हो ? कसले कारवाई गर्ने हो ?
भारतीय मुल्य भन्दा करिब ५ गुणा अधिक भन्सार को राजस्व इमान्दारी का साथ तिरेर नेपाली नम्बर का गाडी किनेका सोझा नेपाली नागरिक उपर यो सहन नसक्ने गिज्याउने प्रहार हो। यहि अवस्था रही रह्यो भने एक दिन सिमा नजिकमा एउटा पनि नेपाली नम्बर का गाडी हेर्न सपनै हेर्नु पर्ला। अहिले यो अवस्था महोत्तरी को खुला सिमावर्ती एरिया मा व्यापकरुपले हेर्न सकिन्छ। घर कै अगाडी भारतीय नम्बर का गाडी ठड्याएर राखेको जताततै हेर्न सकिन्छ।
भन्सार का कर्मचारी लाई मिलाई एकदिने पास लिएर महिनौ सम्म नेपाली भुमि मै राख्ने प्रक्रिया पुरानो रहेको र यो कुरा स्थानीय प्रहरी लाई थाहा रहेको एक नागरिक विरू मण्डल को भनाइ रहेको छ। लौक डाउन कै समय मा करिब ५०० को हाराहारीमा एक दिनको पास अथवा दुई दिने भन्सारको कागज पत्र मात्र कटाइ नेपाल प्रवेश गरेका भारतीय नम्बरका गाडी हरु अहिले पनि महोत्तरीको सिमावर्ती इलाका मा प्रशस्त रहेका छन्।
भन्सार तथा प्रशासन ले चाहेको खण्डमा भन्सार छलेका व्यापक गाडीहरु पक्राउ गर्न सकिन्छ। कोहि त्रिपाल ले छोपेर राखेका छन् भने कसैले घर गोदाममा चोरेर राखेका छन्। दैनिक लाखौं को हाराहारीमा नेपाल को राजस्व गुमी रहेका छन्। सिधा छापा मारेर होस् या सुराकी गराएर होस् , यस्तोमा यदि त्यस्ता गाडीहरु पक्राउ गर्न सक्यो भने मुलुकमा केहि राम्रो संदेश जाने थियो की ?
आफ्नो प्रतिकृया दिनुहोस्