५माघ,जनकपुरधाम:जिल्ला प्रहरी कार्यालय धनुषाका नव आगन्तुक प्रमुख प्रहरी उपरीक्षक(एसपी)प्रकाश राणाभाट लाई मिथिला समाज सेवा समितिले एक कार्यक्रम आयोजना गरी स्वागत गरेका छन्। जिल्लाका नवआगन्तुक प्रहरी उपरीक्षक(एसपी) प्रकाश राणाभाट लाई औपचारिक रुपमा जनकपुरधामका मिथिला समाज सेवा समितिले जानकी प्रहरी चौकीको नयाँ भवन बनाउने फान्डेसन निरक्षण समेतको कार्यक्रममा सम्मान तथा स्वागत गरेको हो ।
उक्त स्वागत कार्यक्रममा रानाभाटले आफ्नो सम्मानमा स्वागत कार्यक्रम आयोजना गरेकोमा धन्यवाद व्यक्त गर्नु हुदैँ,आफ्नो पहिलो प्राथमिकता जिल्लाको शान्ति सुरक्षा रहेको तथा सो “शान्ति सुरक्षा कायम राख्न सबैको सहयोग तथा समन्वय अपरिहार्य रहेको बताएका छन् ”। साथै धनुषाका एसपी प्रकाश राणाभाटले शान्ति सुरक्षाका सवालमा आफू स्पष्ट रहेको र निस्वार्थ भावले सबैलाई सेवा उपलब्ध गराउने प्रतिबद्धता जनाएका छन्।
प्रहरी उपरीक्षक राणाभाटले प्रहरीको तर्फबाट सुरक्षाको लागि आवश्यक पर्ने व्यवस्था गर्न आफू तयार रहेको र सवैको सल्लाह, सुझाव र सहयोगमा सुरक्षा व्यवस्था चुस्त गर्न सकिने विचार राख्नुहुदै सबैको सहयोगको अपेक्षा रहेको बताउनु भयो । स्वागत कार्यक्रममा रानाभाटसहित कार्यसमितिका पदाधिकारी तथा सदस्यहरुको उपस्थिति एवम् विभिन्न संघ संस्थाका प्रतिनिधि,व्यपारी,समाजसेवी,जनप्रतिनिधिहरु, पत्रकार, बुद्धिजीवी, राष्ट्रिय स्तरका खेलाडीहरु र स्थानीय युवाहरु समेतको उल्लेखनीय उपस्थिति रहेको थियो ।(फोटो साभार :शुभाष पाठक)
आफ्नो प्रतिकृया दिनुहोस्