१५ फागुन, महोत्तरी : नेपाल सरकारले मधेश प्रदेशका मटिहानी नगरपालिका सहित ३ नगरपालिका लाई थप विकाश निर्माणको काम गर्न २५ देखि ५० करोड रुपैया सम्म रकम दिन बजेट बिनियोजन गरेको छ।नेपाल सरकारले सघन शहरी विकाश कार्यक्रम अन्तर्गत महोत्तरीको मटिहानी नगरपालिका ,धनुषा को शहिद नगर नगरपालिका र सर्लाहीको हरिपुर नगरपालिका लाई छनौट गरि रकम बिनियोजन गरेको संघीय आयोजना कार्यान्वयन इकाई कार्यालय धनुषाका आयोजना प्रमुख इन्जिनियर प्रदिप खनालले जानकारी दिएका छन्।
प्राप्त हुने जम्मा रकम मध्ये सम्बन्धित नगरपालिकाहरुले ५० प्रतिशत रकम मुख्य शहरी पूर्वाधार योजनाहरु जस्तै :- स्थानीय सडक तथा नाला संजाल , ३० प्रतिशत रकम आय आर्जन सम्बन्धित पूर्वाधार योजना हरु जस्तै (बस पार्क ,मिनी मार्केट ,हाट बाजार निर्माण ),१५ प्रतिशत रकम सामुदायिक पूर्वाधार योजनाहरु अन्तर्गत (हरियाली पार्क ,पोखरी निर्माण ,ताल संरक्षन तथा स्तरोन्नति) र ५ प्रतिशत रकम शहरी शासकीय पूर्वाधार तर्फ खर्च गर्नु पर्ने छन्।
सो योजनाहरु कसरी छनौट र सम्पन्न गर्ने बारे छलफल गर्न शहरी विकाश तथा भवन निर्माण विभाग काठमाडौँ का उप-महानिर्देशक चक्रवर्ती कण्ठ को नेर्तित्वमा आएको टोलिले मटिहानी नगरपालिका प्रमुख हरि मण्डल लगायत राजनीतिक दलका प्रतिनिधिहरु संग सो बारेमा प्रथम चरण को छलफल सम्पन्न गरि सकेका छन् ।
भने भोलि सोमबार दोस्रो चरणको छलफल तथा कुन ठाउँमा कस्ता योजनाहरु निर्माण गर्ने बारे संघीय आयोजना कार्यान्वयन इकाई कार्यालय धनुषाका प्राविधिक टोलिहरु त्यस तर्फ जाने छन्। सो योजनाको प्रस्तावित कामहरु यहि आर्थिक वर्षको वैशाख सम्ममा शुरु भै २ वर्ष भित्र काम गरि सक्नु पर्ने छ।
आफ्नो प्रतिकृया दिनुहोस्