२८ जेठ,जनकपुरधाम (रवि कुमार):मधेश प्रदेशको राजधानी तथा पौराणिक शहरको रुपमा परचित जनकपुरधामको विभिन्न स्थानमा जथाभावी अव्यस्थित तरीकाले ई -रिक्शा संचालन भैरहदाँ बाहिर बाट आउने पर्यटक लगायत नगरयात्रु समेत लाई आवतजावतमा समस्या हुनुका साथै विभिन्न समयमा सवारी दुर्घटना हुने गरेको पाइन्छ ।
स्थानीय सर -सफाई क्षेत्रमा काम गर्दै आइरहेको सोलिड वेस्ट मेनेजमेन्टका युवा निर्देशक आशिष कुमार मंडल का अनुसार यसरी दिन-प्रतिदिन ई-रिक्शाको संख्या बढी रहेको हुदाँ शहरको अवस्था कुरुप बनेको छ। स्थानीय सरकारले सडक लाई व्यवस्थित गर्ने मुख्य योजना भनेता पनि अझ शहर अव्यस्थित रहेको छ ।
जनक चौक, जानकी चौक, सोनारपट्टि,महावीर चौक , विशेष गरि जानकी मन्दिर देखि अस्पताल हुदैँ रामानन्द चौक तथा भानु चौक देखि क्याम्पस चौक सम्मको सडक अस्तव्यस्तको अवस्था लाई व्यवस्थित गर्न स्थानीय सरकारको ध्यान जान जरुरी रहेको युवा मंडल ले बताए ।
उक्त सडकहरू जाम हुनु नियमित जस्तो भएको छ । स्थानीय सरकारले सो सवारी साधन संचालनमा सडक सहजताको लागि नियमन गर्न जरुरी रहेको मंडल को भनाइ रहेको छ । प्रभावकारी नियमन नहुँदा विद्युतीय रिक्सा अव्यवस्थित रूपमा सञ्चालित रहेको र यसबाट प्राप्त हुने उप-महानगरपालिकाको राजश्व समेत गुमेको निर्देशक आशिष कुमार ले चिन्ता व्यक्त गरे।
रिक्सा तथा पेट्रोलियम पदार्थबाट चल्ने तिन पांग्रे अटो रिक्सा (टेम्पु) हरु लाई व्यवस्थापन गरी नगरको आवश्यकता, ट्राफिक व्यवस्थापनमा सहजता, बजार व्यवस्थापन गर्न तथा सवारी यात्रुहरुको सहजताको लागि नगर क्षेत्रमा चल्ने विद्युतीय तथा अटोरिक्साको दर्ता, अनुमति, नगर क्षेत्रलाई आवश्यक संख्याको निर्धारण,रुट निर्धारण, भाडा दर निर्धारण तथा नियमन जस्ता कार्यलाई व्यवस्थित गर्दै यातायात सुरक्षालाई भरपर्दो र विश्वसनीय बनाउन जनकपुरधाम उप-महानगरपालिकाले स्थानीय सरकार सञ्चालन ऐन, २०७४ को दफा ११ को उपदफा २ (ट) को खण्ड ४ को अधिकार कार्यान्वयन गर्न लागेको राजस्व महाशाखा का प्रमुख परमेश्वर झा ले जानकारी दिएका छन्।
उप-महानगरपालिकाले हाल उल्लेखित व्यवस्थाको कानुन बनाइ सकेको हुदाँ अब कार्यविधि बनाउन मात्र बाँकी रहेकोले असार ७ गते हुने नगर सभाको समापन पछि उप-महानगरपालिकाले यस तर्फ गरिने सम्पूर्ण गृहकार्य उपर ध्यान दिने महाशाखाका प्रमुख झा ले बताए । यस साथै आ.व.०७९/८० देखि नगरमा विधुतीय रिक्सा तथा पेट्रोलियम पदार्थबाट चल्ने (टेम्पु) हरुको सम्पूर्ण व्यवस्थापन जनकपुरधाम उप-महानगरपालिका बाट हुनेछ।
आफ्नो प्रतिकृया दिनुहोस्