२६ साउन,जनकपुरधाम :जथाभावी रुपमा छोडीएका पशु चौपायाले जनकपुरधाम उप–महानगरपालिका क्षेत्रमा ठुलो समस्या ल्याएका कारण तिनीहरुको नियन्त्रणका लागि गौशाला भवनको शिलान्यास गरिएको छ।वडा नं. १२ मा राजदेवी मन्दिर नजिक करिब १ विघाको क्षेत्रफ़लमा उप–महानगरपालिकाका प्रमुख मनोज कुमार साह तथा उप-प्रमुख किशोरी साहले संयुक्त रुपमा शिलान्यास गरेका हुन्।
छाडा चौपाया हरुको लागि मधेश प्रदेशमै पहिलो पटक आधुनिक तरिकाले गौशाला निर्माण गरि त्यसलाई पूर्ण व्यवस्थित तरिकाले संचालनमा ल्याइने छ। विशेष गरि राजमार्ग लगायत नगरको बीच सडकमै अन्यत्रबाट पनि गाई ल्याएर बीच बाटो मै छोड्ने प्रविती बढ्दै गएको कारण जनताहरु ठुलो सास्ती तथा दुख; पाई रहेको हुदाँ गौशाला निर्माणले नागरिक लगायत अन्य सवारी वाहन समेत लाई ठुलो राहत पुग्ने विश्वाश नगर प्रमुख साहले लिएका छन्।
जथाभावी ढंगले छोडिएका गाईहरु बाजारमा खानेकुरा खाइ दिने र यसले गर्दा उनिहरु कुटाइ खाने गर्छन, यो देखेर आफुलाई चित्त दुखेर आउथ्यो तर छिट्टै यस समस्याको समाधान हुने प्रमुख साहले बताए। गौशालाको लागि चाहिने जमिन उपलब्धता हेतु नगर प्रमुख साहले कुपेश्वरनाथ युवा कल्बका अध्यक्ष दिलिप मण्डल धन्यवाद को पात्र हो भनेर उनलाई सम्मान गरेका थिए।अध्यक्ष मण्डलले गुठि अन्तर्गत रहेको खाली जमिन लाई अतिक्रमित हुन् बाट वर्षौं देखि बचाउदै आएका छन् ।
तत्काल १ करोड रुपैयाको लागतमा बन्ने गौशाला निर्माणको शिलान्यास कार्यक्रममा उपस्थित नागरिक, भद्र भलाद्मी,बुद्धिजीवी लगायत पत्रकारहरुले हिन्दु धर्मको संरक्षणका लागि जनकपुरधाम उप–महानगरपालिकाले सराहनीय र उत्तम कार्य गरिरहेको छ,र यसको सम्पूर्ण श्रेय नगर प्रमुख मनोज कुमार साह लाई जान्छ,भनेका छन्।यसको व्यवस्थापन गर्न अलि चुनौती त् छ तर पनि उप–महानगरपालिकाको पहलमा गौशाला निर्माणको कुराले हामी उत्साहित भएका छौं र प्रमुख साहको यो अभियान स्वागत योग्य रहेको सोलिड वेस्ट मेनेजमेन्ट प्रा. लि. का निर्देशक आशिष कुमार मण्डल लगायत अन्य नगरवासीहरुले बताएका छन्।
आफ्नो प्रतिकृया दिनुहोस्