२२ मंसिर,बारा: महागढीमाई नगरपालिकाको वडा नम्बर १ बरियारपुरमा पंच वर्षीय गढीमाई मेला लागेको छ । करिव एक महिना सम्म लाग्ने पंच वर्षीय गढीमाई मेला नेपाल सहित भारत बाट श्रद्धालु भक्तजनहरु आउने गर्दछन् ।
गढीमाई प्रतिको श्रद्धा भाव र मागेको कुरा पूरा हुने विश्वासले यहाँ भक्तजन हरुको घुइँचो लाग्ने गर्छ । श्रद्धालुहरु पाँच बर्षमा उपस्थित भई भाकल पूरा भएको खुशीयालीमा पशु वली दिने गर्छन् ।
शनिबार मध्यरातमा विशेष पूजा पश्चात् आइतबार बिहान पंचबली र त्यस पछि राँगावली शुरु हुने महागढीमाई मेला सञ्चालन तथा व्यवस्थापन मूल समितिले जनाएको छ ।शनिबार मध्यरात अर्थात आइतबार सूर्योदय अघि नै विशेष पूजा हुनेछ भने त्यस पछि पंचबली दिइने र राँगावली शुरु हुनेछ ।
तान्त्रिक विधि बाट पूजारीले गढीमाई लाई पञ्चवली दिए पछि मन्दिरमा भाकल गरेर ल्याइएका पशु वलि दिने परम्परा रहि आएको गढीमाईका मूल पूजारी मंगल चौधरीले बताए । उनका अनुसार सोमबार भने बोका बली दिइने छ ।
दर्शन र विशेष पूजाका लागि छुट्टै व्यवस्था मिलाइएको समितिका अध्यक्ष एंव महागढीमाई नगरपालिका मेयर उपेन्द्र प्रसाद यादवले बताए ।यो मेला विश्वमा सबै भन्दा बढी बली दिइने धार्मिक स्थलका रुपमा परिचित छ । उक्त मेलामा एक देखि डेढ करोड भक्तजनहरु आउने अनुमान गरिएको छ । तर गढीमाईमा दिइने बलि का विषयमा पशु अधिकारकर्मी हरुले चर्को विरोध गर्दै आइरहेका छन् ।
आफ्नो प्रतिकृया दिनुहोस्