१६ जेठ,पोखरा : पोखरामा जारी श्री गण्डकी शतकुण्डीय गायत्री कोटीहोम विराट ज्ञान महायज्ञ अन्तर्गत आज प्रसिद्ध भागवत मञ्जरी राधिका दासीको आगमन भएको छ। उनी जेठ १७ देखि २६ गते सम्म श्रीमद्देवी भागवत कथा वाचन गर्ने कार्यक्रम रहेको छ।
यस सँगै, जेठ १० गते देखि कथा वाचन गर्दै आएकी अन्तर्राष्ट्रिय कथा वाचिका देवी प्रतिभालाई भावपूर्ण विदाइ दिइएको छ।
राधिका दासी: “इतिहासमै पहिलो पटक यस्तो दिव्य अवसर प्राप्त भयो”
मोरङमा जन्मिएकी राधिका दासीले यस्तो ऐतिहासिक शतकुण्डीय यज्ञस्थलमा कथा वाचन गर्न पाउनु आफ्नो जीवनकै सौभाग्य भएको बताएकी छन्। उनले सामाजिक सञ्जाल फेसबुक मार्फत भनेकी छन् : “यस्तो ऐतिहासिक कोटीहोम हाम्रो पुस्ताले पहिलो पटक देखेको अवसर हो। म कथा वाचनका लागि आउँदैछु, तपाईंहरू पनि करोडौँ हवनमा सहभागी हुन आउनु होस्, कोटी होममा भेटौंला।”
देवी प्रतिभाको योगदानको सम्मान
महायज्ञकी पहिलो चरणकी प्रमुख कथा वाचिका देवी प्रतिभाले ७ दिन सम्म कथा वाचन गर्दै धार्मिक वातावरणमा योगदान पुर्याएकी थिइन्। महायज्ञका संकल्पकर्ता बालयोगेश्वर श्री विजय कृष्णमूर्तिजी महाराजले उनलाई सधैँ बहिनीको रूपमा माया दिँदै उनको समर्पण र सहयोगले ऊर्जा मिलेको बताए।
महाराजको आग्रह: “देवी र माताको वाणी श्रवण गर्नु होस्”
श्री विजय कृष्णमूर्तिजी महाराजले देवी प्रतिभाको विदाइ र राधिका दासीको आगमन दुबै लाई ऐतिहासिक क्षणका रूपमा लिँदै श्रवण र सत्सङ्गको अवसर सदुपयोग गर्न सबै भक्तजनहरूलाई आह्वान गरेका छन्।
उनले राधिका दासीलाई माताको रूपमा सम्बोधन गर्दै “माताको मुखबाट श्रवण गरिने देवी भागवत कथा आत्मशुद्धिको माध्यम हो” भन्दै सबैलाई उपस्थित हुन आग्रह गरेका छन्।
आफ्नो प्रतिकृया दिनुहोस्