९ जेठ,जनकपुर, धनुषा: नेकपा एमाले धनुषा जिल्ला ८औँ अधिवेशन अन्तर्गत सम्पन्न निर्वाचनको मतगणना सकिए पछि अन्तिम नतिजा सार्वजनिक गरिएको छ। अबेर राति सम्पन्न मतगणनामा रघुवीर महासेठ निकट भनिएका भोला यादव नेतृत्वको प्यानल विजयी भएको छ।
जिल्ला अध्यक्ष पदमा भोला यादवले ४०२ मत प्राप्त गर्दै आफ्नो निकटतम प्रतिस्पर्धी लक्ष्मी नारायण यादवलाई पराजित गरे, जसले २०२ मत ल्याएका थिए।उपाध्यक्ष पदमा तेज नारायण यादव ४३० मत सहित विजयी भए भने उनका प्रतिस्पर्धी जयप्रकाश सुनरैतले १६० मत प्राप्त गरे।
सचिव पद तर्फ दीप नारायण ठाकुरले ३६५ मत ल्याएर जित निकालेका छन्। उनका निकटतम प्रतिस्पर्धी धिरेन्द्र मण्डलले २२५ मत प्राप्त गरे।उप–सचिव पदमा सबिन विक्रम थापा विजयी भएका छन् भने महिला उप–सचिव पदमा रुका कुमारी मिश्रले जित हात पारिन्।
त्यस्तै, लेखा समितिको संयोजकमा वीरेन्द्र लाल कर्ण निर्वाचित भएका छन्।
आफ्नो प्रतिकृया दिनुहोस्