काठमाडौं । GEN-Z-Y-X उमेर समूहका अगुवाहरूले जेन–जेड–वाई–एक्स नेपाल समिति गठन गरेका छन्। समितिको संयोजकको जिम्मेवारी युवराज सफलले पाएका छन्।आइतबार काठमाडौंको रिपोर्टर्स क्लबमा आयोजित कार्यक्रममा सफलले समितिको औपचारिक घोषणा गर्दै तीन पुस्ता जेन–जेड, वाई र एक्स — मिलेर मात्र देशले निकास पाउने धारणा राखे।
उनले भने, “GEN-Z पुस्ताको माग प्रति हाम्रो पुस्ताको पूर्ण प्रतिबद्धता छ। त्यसैले १३ देखि २८ वर्षका GEN-Z, २८ देखि ४५ वर्षका वाई र त्यसपछिका एक्स पुस्ता सबैलाई समेटेर मात्र समृद्ध नेपाल निर्माण गर्न सकिन्छ।”
देश निर्माणका लागि पुस्तागत सहकार्य अपरिहार्य भएको उल्लेख गर्दै सफलले थपे, “देश बनाउन चाहने मान्छेहरू छन्। त्यसैले यी तीन पुस्ता मिलेर अघि बढेमा मात्र राष्ट्रिय सहमति सम्भव हुन्छ। यही सोचका आधारमा आज हामीले जेन–जेड–वाई–एक्स नेपाल को केन्द्रीय समिति घोषणा गरेका हौं।”
उनका अनुसार ५ देखि ७ सदस्यीय निर्देशक समिति गठन गरी आवश्यक समन्वय र वार्ता अघि बढाइनेछ। “निर्देशक समितिले जेन–जेड सँग मात्रै होइन, वाई र एक्स पुस्ता सँग पनि संवाद गर्दै राष्ट्रिय सहमति कायम गर्नेछ। यही बाटोबाट देशले वास्तविक निकास पाउनेछ,” सफलले स्पष्ट पारे।
आफ्नो प्रतिकृया दिनुहोस्