(दिपेश पौडेल), रौतहट : जनता समाजवादी पार्टी (जसपा) मधेश प्रदेशका अध्यक्ष अशोक कुमार यादव धरौटी बुझाएर रिहा भएका छन् ।सर्लाही जिल्ला अदालत मलङ्गवामा उपस्थित भएका यादवलाई न्यायाधीश महेन्द्रराज काफ्लेको इजलासले एक लाख ६० हजार रुपियाँ धरौटी लिएर छाड्न आदेश दिएको हो ।
सर्लाही जिल्ला अदालतका श्रेस्तेदार ज्ञान बहादुर खत्रीले राजद्रोहको मुद्दामा एक लाख, सार्वजनिक सेवा अवरोध गरेको र आपराधिक उपद्रव मुद्दामा ३०/३० हजार गरी एक लाख ६० हजार रुपियाँ धरौटी माग भएको बताए ।
गत असार १९ गते राति सर्लाहीका प्रहरी प्रमुख (एसपी) योगेन्द्र कुमार खड्का र यादव बीच गालि गलौचको टेलिफोन संवाद बाहिरिए पछी भदौ २५ गते प्रहरीले पक्राउ गरेको थियो ।पूर्व मधेश प्रदेश सभा सदस्य समेत रहेका यादव लाई जिल्ला प्रहरी कार्यालय मलङ्गवाको हिरासतमा भएकै बेला आमाको निधन भए पछि असोज ३ गते काजकिरिया गर्न भनी प्रहरीले छाडेको थियो आमाको काजकिरिया सकेर बिहिवार आफै यादवसँग अदालतमा उपस्थित भएका हुन ।
उनले अदालतले न्यायदिएको बताएका छन् ।अन्याय, अत्याचार र भ्रष्टाचारको विरोधमा बोल्दा उल्टै आफू विरुद्ध राज्यले अनेक लाञ्छना लगाएर मुद्दा दायर गरेको आरोप समेत लगाए । प्राविधिक कार्यालय मलङ्गवामा आर्थिक अनियमितता गरी रातभर काम भएको विषयमा विवाद भएको थियो ।
आफ्नो प्रतिकृया दिनुहोस्