५ फागुन,जनकपुर । १५ दिने मिथिला माध्यमिकी परिक्रमा आज कल्याणेश्वरमा आइपुगेको छ । हिजो धनुषाको कचुरीबाट निस्किएको डोला सहितको परिक्रमामा सहभागी श्रद्धालुहरू जनकपुरधामको हनुमान नगर पुगेर विश्राम गरेका थिए । सो क्रममा उनीहरू आज बिहानै कल्याणेश्वरका लागि प्रस्थान गरेका थिए ।
आज कल्याणेश्वरमा रात्रि विश्राम गरे पछि बुधबार (तेस्रो दिन) ६ गते गिरिजास्थान, चौथो दिन ७ गते मटिहानी, पाँचौँ दिन ८ गते जलेश्वर, छैटौँ दिन ९ गते मडई, सातौँ दिन १० गते ध्रुव कुण्ड, आठौँ दिन ११ गते कञ्चनवन, नवौँ दिन १२ गते पर्वता, १० औँ दिन १३ गते धनुषाधाम, ११ औँ दिन १४ गते सत्तोषर, १२ औँ दिन १५ गते औरही, १३ औँ दिन १६ गते करुणा, १४ औँ दिन १७ गते विसौल हुँदै १५ औँ दिन १८ गते जनकपुरधाम आइपुग्ने कार्यक्रम रहेको छ ।
अन्तिम दिन जनकपुरधाम आइपुगे पछि अन्तगृह परिक्रमा गरी मिथिला माध्यमिकी परिक्रमा सम्पन्न गरिने छ ।
मिथिलाको महाकुम्भ भनेर चिनिने माध्यमिकी परिक्रमा नेपाल–भारतका विभिन्न १५ पडाव पार गर्दै करिब १३३ किलोमिटर यात्रा गर्ने धार्मिक परम्परा हो । परिक्रमा नेपाल र भारतका १५ स्थानमा रात्रि विश्राम गर्दै अघि बढ्ने गर्दछ । यस धार्मिक यात्रामा लाखौँ श्रद्धालु भक्तजनको सहभागिता रहने गर्दछ ।
आफ्नो प्रतिकृया दिनुहोस्