१८ चैत,काठमाडौं । गृहमन्त्री सुधन गुरुङले प्रहरी परिसर काठमाडौंको स्थलगत अवलोकन गरेका छन्। बुधबार उनले राजधानीको सुरक्षा अवस्था, सेवा प्रवाह तथा प्रहरी गतिविधिको समग्र मूल्यांकन गर्न परिसरको निरीक्षण गरेका हुन्।
अवलोकनका क्रममा गृहमन्त्री गुरुङले प्रहरी कर्मचारीहरू सँग प्रत्यक्ष भेटघाट गर्दै दैनिक कार्यसम्पादन, सामना गर्नु परेका चुनौती तथा आवश्यक स्रोत–साधनबारे जानकारी लिएका थिए। उनले नागरिकमैत्री सेवा प्रवाहलाई थप प्रभावकारी बनाउन निर्देशन दिएका छन्।
गुरुङले शान्ति सुरक्षा कायम राख्न प्रहरीले निर्वाह गरिरहेको भूमिकाको प्रशंसा गर्दै अपराध नियन्त्रण, ट्राफिक व्यवस्थापन तथा आपराधिक घटनाको अनुसन्धानलाई अझ चुस्त बनाउन जोड दिएका छन्। साथै, प्रविधिको प्रयोग बढाएर सेवा प्रवाहलाई छिटो र पारदर्शी बनाउन पनि उनले आग्रह गरेका छन्।
उनले प्रहरी कर्मचारीको मनोबल उच्च राख्न आवश्यक सुविधा र स्रोत उपलब्ध गराउने प्रतिबद्धता व्यक्त गर्दै कार्यक्षमतामा सुधार ल्याउन जोड दिएका छन्।गृहमन्त्री नियुक्त भएयता गुरुङले देशभरका विभिन्न सुरक्षा निकाय तथा प्रहरी संरचनाको निरीक्षणलाई निरन्तरता दिइरहेका छन्। यसले सुरक्षा संयन्त्रलाई थप प्रभावकारी बनाउने विश्वास लिइएको छ।
आफ्नो प्रतिकृया दिनुहोस्