२६ साउन,जनकपुरधाम :जानकी मन्दिरको उत्तराधिकारी महन्थको फर्जी परिचय पत्र बनाएको विषयमा उजुरी तथा अफवाह फैलिरहेको उक्त विषयमा गुठी संस्थान कार्यालयले सत्य तथ्य कुरा प्रस्ट परेका छन्।गुठी संस्थानको संचालक समितिको २०७८ वैशाख १५ गते बसेको बैठकबाट गरिएको निर्णय अनुसार गुठी संस्थान,काठमाडौंका प्रधान कार्यालयबाट नै मिति २०७८/०२/०२ गते का दिन उनलाई जानकी मन्दिरको उत्तराधिकारी महन्थमा नियुक्त गरिएको हो।
पुजारी लगायत जनशक्ति व्यवस्थापन निर्देशिका २०७७को दफा १०को उपदफा २मा उत्तराधिकारी महन्थ हुन तोकिएको र सोही निर्देशिकाको दफा ८ बमोजिम योग्य भएको देखिएकाले उक्त निर्देशिकाको दफा १०को उपदफा १ र २ अनुसार रामरोशन दास लाई उत्तराधिकारी महन्थमा नियुक्त गरिएको पत्रमा उल्लेख गरिएको हुदाँ उनको नियुक्ति लाइ लिएर कुनै प्रकार को शंका उपशंका गर्ने ठाउँ नरहेको गुठी संस्थान, जनकपुरधामका प्रमुख बैकुण्ठ रेग्मीले बताएका छन्। कुनै पनि मन्दिरमा ज्येष्ठ चेलालाई नै उत्तराधिकारी महन्थ बनाउने परम्परा रहँदै आएको छ ।
यो नियम जानकी मन्दिरमा पनि वर्षौं देखि लागु भएको हो, सोही अनुसार जानकी मन्दिरका महन्थ रामतपेश्वर दास वैष्णवले करिब दुई दशक अगाडी देखि नै रामरोशन दास आफ्नो ज्येष्ठ चेला रहेको घोषणा गरेका गरे अनुसार विभिन्न अवसरमा उनलाई आफ्नो उत्तराधिकारीको रुपमा परिचय गराउँदै आई रहेका थिए ।इनि महन्थले नै रामरोशन दास लाइ ज्येष्ठ चेलाको रुपमा नाता प्रमाणित गराएर उत्तराधिकारी महन्थ बनाई दिनका लागि गुठी संस्थानमा सिफारिश गरेका थिए ।
अब रह्यो मन्दिरमा गरिएको अनियमता बारे सो सम्बन्धि पनि गुठी संस्थान प्रमुख रेग्मीले केहि कुरा प्रस्ट परेका छन्।।मन्दिरको आर्थिक कारोबार गर्ने अधिकार महन्थलाई मात्रै हुन्छ, ‘त्यसैले उत्तराधिकारी महन्थले आर्थिक हिनामिना गर्न सक्ने कुनै सम्भावना नै बन्दैन।’ जानकी मन्दिरको उत्तराधिकार महन्थ रामरोशन दासको परिचय पत्र फर्जी रहेको र मन्दिरमा अनियमितता गर्दै आएको भन्दै उत्तराधिकारी महन्थ रामरोशन दास वैष्णव विरुद्ध जिल्ला प्रशासन कार्यालय धनुषामा रामनारायण दासले उजुरी दिएका थिए ।
आफ्नो प्रतिकृया दिनुहोस्